مرحبا
ادري صدعة براسكم كل يوم سالفه بس شو اسوي هذا حملي الاول وانا موب فاهمه شئ كل مره قالولي شئ ساعدوني المفروض اليوم موعد ولادتي وما في شئ ولا بوادر تحسسني اني بربي اليوم المهم انا سرت المستشفى وقالولي بنعطيج موعد حج الطلق الصناعي الاسبوع الياي وانا الحين خايفه شو ها بعد طلق صنااااعي فاللي مجربه ترد علي جزاها الله خير
مرحبا أختي دبلوماسية دبي…
أولا الله يقومج بالسلامة ولا تستعيلين صبري كمن يوم يمكن أتربين في هذي الساعة..
الطلق الصناااعي يسونه يوم الحرمة تتأخر في الولادة وهي عبارة عن تحميله وإذا ما فادتج التحميله بتمون يعطونج الثانية والثالثة لين ما تحسين بالويع…
عني في ولادتي الأولى ربيت بالطلق الصناعي لاني أتأخرت أسبوعين وعطوني تقريبا 3 تحميلات لين ما ياااني الويع بس بتمين داخل الدختر لانه في أي وقت بييج الويع..
وولادتي الثانية ربيت بعد بالطلق الصنااعي بس كان أريح من المره الاولى تحميله وحده وبعد 5 ساااعات يااني الويع
وألحين في الثالث ما أدري يمكن أربي عاادي أو بالطلق الصناااعي..
بس لا تخافين وتوكلي على ربج ومافي شي يخوووف الله يسهل عليج ولادتج وولادتي لاني معطااايه موعد الولاده قريب وخيرا إن شاء الله…
إختيه أنا أنصحج بعد لا تستعيلين وعليج بالحلبه والزعتر
أنا ها اللي يفيدني يوم أربي والحلبه شربي كمن كوب في اليوم وااايد
يسهل الطلق ويسرعة
على فكرة أنا كنت كاتبه موضوع عن الأشياء اللي تفيدج قبل الربى ياريت
لو تجوفينه:1 (29):
مرحبــا ختيه ..
لا تستعيليــن و عليج بالحــلول .. احيد مرة امــايه عطت ختيه حلول و بالفجر ربت ^^ و ع فكرة الحلول
يطلع البيبي نظيف ^^ و يطلع الوسخ بدون ما يعطونج الابره .. و الله يسهل عليج و علينا ^^
الغاليه لا تستعيلين امشي وااايد و اشربي حلول وااايد زين وبسرعه بتربين واشربي حليب ويا العسل
الله يسهل عليج :22 (25): :22 (25): :22 (25): :22 (25):
الله يسهل عليج