الطريقه الافضل لاستخدام الكركم<< من غير مايستوي جسمج اصفر!

شخبااركم حبوبات؟؟ عسااكم مرتاحين …

طبعا كلنا نعرف فايده الكركم حق الجسم .. وكركم الجسم غير عن كركم الاكل
وهو يشل الحبوب وآثارها وحتى البقع مع الاستمرار طبعا

بتحصلونه عن العطارين .. بس انا شخصيا ماحب آخذ من عندهم لان اغلبه مب اصلي ولو استخدمتيه سنه ما بتجوفين نتيجه حلوه
امي قبل كانت تشتريه من وحده يمنيه اتييبه اصلي 100%
والحرمه هذي سافرت من جي تعودت امي كل سنه اتييبه لي من القريه اليمنيه

المهم .. انا حبيت اطرح الموضوع لان الاغلب يستمر عليه فتره ويتركه لانه يخيييييييييس الدنياا
يخلي الجسم اصفر وما يروح بسرعه وحتى الحمااام يستوي اصفر وما يروح حتى بالفرك اللا بعد فتره طويله :S
وجي ما راح نستفييد لان اي خلطه طبيعيه لازم تستمرين عليه اقل شي شهرين عشان تجوفين النتاايج!

بس مع هالخلطه ان شا الله ما راح يصير هذا كله!

ملعقه كركم + ملعقتين طحين نخي (حمص) او يسمونه طحين اصفر + زيت زيتون

زييت زيتون مب مااي ولا ماي ورد .. لان معروف الكركم ينشف الجسم والزيت راح يرطبه
وما بيخلي لونج اصفر ابد وطحين النخي يبيييض
وع فكره طحين النخي بتحصلونه في الجمعيات او في المطحنه
ما انصح انكم تاخذونه من العطاار لان اغلبه يكون جديييم

وهالخلطه امي تسويها من زماااان اياام ما كانت عندنا شغاله هنديه وهي الي قالت هالوصفه حق امي
والحمد الله بشرت امي صااااافيه وتلق ما شا الله

ولو عندج حبوووب او اثاارها او عندج امااكن داكنه استخدميها 3 شهور وبتدعينلي
ومن اول شهر بتلاحظين التغير !

ملاحظه : يوم تسوين الخلطه البسي قفازاات عشان اظافرج ماتستوي صفراا .. وخلي الخلطه عليج ربع ساعه وعقب تمي افركي بحركات دائريه
وعقب غسلي بالمااي واستخدمي الشورجل الي تبينه … لكن انا افضل انج يوم تستخديمن هالخلطه تستبدلين الشورجل بالسدر ..
لان معروف اي خلطه طبيعيه تغسلينها بماي فقط لنتاائج افضل .. بس الكركم ما ينفعله ماي بس من جي السدر بيكون شرات الصابون واحسن والسدر يبييض ..
حطي شوي سدر مع ماي ورد او ماي عادي واغسلي جسمج مع تدليك خفيف وعقب غسليه بالمااي وجوفي كيف بيصير جسمج