مرحبا خواتي ^_^
اشحالكن.. ان شاء الله بخير
الغاليات.. أنا حابة أستفسر بخصوص السوفت لايت
بس فالبداية بخبركن عن تجربتي مع الليزر.. عسب تعرفن شو الشي اللي أباه بالضبط
أنا جربت الليزر العادي ( بس لمنطقة الشنب ).. و ما ارتحت للنتيجة الصراحة.. السبب >>
عقب الجلسة ما احس ان المنطقة تكون نظيفة لأنها مثل ما تعرفن تنشل بالموس.. والشعر يطلع بسرعة وما يبدا يطيح الا عقب 10-14 يوم.. ف طول هالفترة اتم ولا جني مسوية شي
فالحينه.. أبا شي تبين نتيجته معايه عقب الجلسة على طول.. (بس أكيد مش الخيط ولا الواكس 
)
يعني ممكن السوفت لايت ايفيدني أو لا..
أنا سويت سيرج عن السوفت لايت.. وحصلت عنه شوية معلومات
بس حابة أعرف منكن >>>
# كيف كانت نتايجه معاكن ؟؟
# هل تبين النتيجة عقب الجلسة على طول ؟؟ (أبا أعرف النتيجة الفورية بعد الجلسة.. الشعر شو يستويبه.. هل يشقر أو يطيح ؟؟)
# وكم يطول الشعر لين ما يطلع ؟؟
أتريا ردودكن الحلوة.. وشكرا مقدما 
هلا حبيبتي
انا اللحينه صارلي تقريبا من سنة 2024 اسووي سوفت لايت يعني بكمل 8 سنوات
ومرتاحه وايد
تقريبا عقب 10 ايام يطيح الشعر ومن عقب الجلسه على طوول تشووفين وويهج صافي ومافيه شعر لانه يكوون تقريبا مشقر
والاماكن الي سوويت فيها سوفت لايت
اوول شي في سباثيرا كان روووووووووعه والكل يسالني بس بعدين سكرووه مادري ليش
وعقب كملت في سوفت لايت الي صوب المركز التجاري معروووووووف كل حد يسير عندهم
وجربت صالون البرواز الي في مركز الطوار عندهم سوفت لايت وكان حلوووووووو بعد
واخيرا وليس اخرا في واحد في مركز الاب تاوون اختي سوت عندهم سووفت لايت بس ويها غدا مشخله من الحبووب من عقبه
هاي هيه كل المعلومات الي عندي
أنا إختي مسوتنه بعد لان كان عندها المسامات واايد واسعه في منطقت الذقن والشعر طالع سارت وسوت سوفت لايت تقريبا الحين مخلصه 9 جلسات بس هي بشرتها من زماان تحسنت حتى المسامات ما تبين،، لدرجت اني يالسه افكر اسوي سوفت لايت بعد لاني مثلج جربت الليزر وما في فايده..
موفقه
انا اسوي سوفت لايت من زمان , بصراحة وايد ارتحت له وناسبني , بس ربيعتي سوته في ويهها وتمكيجت عقبه بكم ساعة فطلع لها شوية حبوب , اذا ناويه تسوينه لازم تتجنبين الشمس والمكياج عالاقل يومين عشان ماتحسس بشرتج ولا تطلع لج حبوب , بس جسمي الحين ماشاء الله صافي وخلاص ما اسوي حلاوة !
ان شاءالله البنات يفيدونج …
المشاركة الأصلية كتبت بواسطة فطمطم 
انا اللحينه صارلي تقريبا من سنة 2024 اسووي سوفت لايت يعني بكمل 8 سنوات
ومرتاحه وايد
تقريبا عقب 10 ايام يطيح الشعر ومن عقب الجلسه على طوول تشووفين وويهج صافي ومافيه شعر لانه يكوون تقريبا مشقر
والاماكن الي سوويت فيها سوفت لايت
اوول شي في سباثيرا كان روووووووووعه والكل يسالني بس بعدين سكرووه مادري ليش
وعقب كملت في سوفت لايت الي صوب المركز التجاري معروووووووف كل حد يسير عندهم
وجربت صالون البرواز الي في مركز الطوار عندهم سوفت لايت وكان حلوووووووو بعد
واخيرا وليس اخرا في واحد في مركز الاب تاوون اختي سوت عندهم سووفت لايت بس ويها غدا مشخله من الحبووب من عقبه
هاي هيه كل المعلومات الي عندي
ما قصرتي فديتج..
تسلميييييين عالرد الحلو
المشاركة الأصلية كتبت بواسطة دلوووعة UaE موفقه
ردج واايد شجعني فديتج..
تسلميييين