الرضاعه الطبيعية

السلام عليكم و رحمه الله وبركاته

حبوبة اكيد ينقص امم اشربي حلبة وايد اوكيه بيكثر حليب ف صدرج واذا تبين تعطينها صناعي راجعي دكتور عسبت يخبرج شو احسن نوعيه لها ربي يوفقج

أنا نفس الشيء بنتي عمرها ٧ شهور ما شاء الله ارضعها طبيعي والأكل تأكل شوي ما تأكل وايد وضعيفة وايد الكل يقولي ليش جي ضعيفه جنه عمرها ٤ شهور ابغي أعطيها حليب صناعي ريلي مب طايع

حبيبتي عطيها طبيعي و صناعي
لانها تكبر و حليبج ما يكفيها

عطيها طبيعي وصناعي عادي بس حاولي تاكلين خس وجرجير وشوربة. والحليب الصناعي راجع دكتورتج ترشحلج احسن حليب لبنتج. انا كنت اعطي ولدي سيميلاك كمفرت. والحين على وشك ولاد والدكتورة رشختلي ابتاميل كمفرت وربي يسهل علينا اجمعين.

عادي الحليب الصناعي استوو يعطون في المستشفى من تربي الحرمه
انصحج في حليب نان ، خفيف وايد عالمعده للياهل . .
احيد اميه كانت تستخدمه و اشوف حريم اخواني وخواتي اغلبيتهم يستخدمونه لليهال

أنا أنصحج لا لا لا لا لا لا تعطينها حليب صناعي أبد إذا كنتي ماتداومين
انتي كلي عدل و اشربي عصاير وايد و اشربي ماي و حليب

صح هالشي متعب وممل بالنسبة لنا لكن اصبري و احتسبي الأجر و صح يكون إلياهل ضعيف بس صدقيني حليبج فيه الصحة و العافية للبيبي