اليوم كان عندي موعد سونار و عند الدكتور اولا السونار قالت الراس نازل و السونار يبين اني 32 اسبوع بس على حساب الدورة انا 33 اسبوع وكم يوم … الحين لما الراس يكون نازل شو معناته يعني لو تميت امشي ممكن اربي و الا ممكن يتغير وضعية الراس …
كيف اعرف اذا الرحم مفتوح والا لا يعني كيف يكون الويع ووين بالضبط و كيف تكون حركة البيبي
عادي الغالية:
انا الراس نازل كل ما اروح اسوي سونار، بحياتهم ما قالو لي ان الراس فوق!!!
انا الحين بالثامن مثلج بس انتي اعتقد قبلي باسبوع وتعبانة وااااااااااااااااااااااااايد والله وايد ما اقدر اقعد، كله ابي انسدح او اوقف!! اذا يلست اموت والبيبي يتحرك ما شاء الله
احس بالام دورة توعيني من رقادي الله يستر علينا يا رب
انا ما انصحج تمشين الا من تدشين التاسع احسن لج والله
وعن تجربتي الخاصة والله ما يفيد المشي ولالالالالالالالالالالا شئ دام رب العالمين كاتب لج يوم ولادتج
ما فيه احد مثلي يمشي بالسوق ما اخلي سنتر، من الشهر الاول: للاخير، ويوم ولدت بولدي الثاني بطلق صناعي وقبل الموعد باسبوع
حبيبتي عادي إذا كان الراس نازل لأن عادة الرأس ينزل من الشهر السابع……والدكتوره هي اللي تكشف وتعرف إذا الرحم مفتوح ولا لأ…….
وعليك بالراحه لأنك في الثامن…..
الغاليه لازم ترتاحين وما تمشين وايد انا اخت ريلي صار لها نفس الشي قالتلها الدكتوره ان المشيمه نازله وقالت لازم ترتاحين ولا تتحركين وايد
الغاليه انا ويا عرووسة ريلها
امشي وامشي في بنتي الاولى وآخرتها سوولي طلق صناعي واربع تيام قبل موعدي ربيت
وفبنتي الثانيه نفس الكلام والله حق اني امشي وايد وايد وآخرتها يومن قبل موعدي يعني المشي مااحسبه يسوي شي دايما دام الله رايد ان الياهل ينزل بوقت معين
بس يمكن ساعات يساعد مب دايما
ما ادري شو اسوي دايما موسوسة و انا في الاجازة الجمعة و السبت اكون في بيت اهلي يعني بعيد عن المستشفى و عن بيتنا فاخاف اسير بيت اهلي و اتعب هناك شو اسو بعدين …
انا بعد في الشهر الثااامن والراس نازل..
وماقول غير الله يساعدنا ونربي ونفتك