اكتبلكن وانا حالتيه ما يدريبها الا رب العالمين
من دشيت شهريه وانا كل مره اراجع يقولون لي الراس بعده فوق!!
قلت الله كريم حد ساعة الولادة ينجلب الياهل يوم الله يكتب… خصوصا انه هذا
الحمال هب اول حمال لي….المهم اليوم سرت عند دكتوره ثانيه عساس تسويلي
مساج و تلف الياهل…جان تصدمني و تقولي انه الحبل السري ملتف على رقبة البيبي
و هذا اللي يمنعه من دخول الحوض…و نصحتني بدكتوره فدبي (زينب الشنار) عساس
تلف الياهل…بس انا صراحه متروعه هب من العمليه لا..اخاف يختنق الياهل في بطني
وانا ما عندي خبر….و الله زايغه…خصوصا انه باجر اليمعه و الكل مسكر…شورن علي
شو اسوي…و منو مرت بحاله شرات حالتيه…؟؟ ادعلي الله ايسر اموري…و الله ايسر على كل حويمل
افا و لا رد
لا تحاتين حبوبة العلم تطور و****لله لكل مشكلة حل …
بالنسبة للراس هي قالتلج الراس تحت ومب داخل في الحوض ولا الراس فوق والمقعد تحت .؟؟
اما الحبل السري فالبيبي يوم يتحرك ****لله بيفج عنه ونحن بالسونار ما نقدر نجزم انه الحبل السري على البيبي..
المهم في كلا الحالتين اهم شي تعدين حركات البيبي اللي لازم تعدي عشر حركات في ال12 ساعة ..
وعن اللي يلفون البيبي في الرحم يسونها في عيادات مستشفى دبي اليديد .. وفي الوصل تسويه د.ماري جون .. هذا اللي اقدر افيدج عنه في المستشفيات الحكومية ..
الله يكون في عونج احبييي مثل ما يحبي الياهل ****ااء الله ينجلب ويعتدل بس الخوف من الحبل السري توكلي على الله والله يقومج بالسلامه
المشاركة الأصلية كتبت بواسطة Dr.5o5aH 
بالنسبة للراس هي قالتلج الراس تحت ومب داخل في الحوض ولا الراس فوق والمقعد تحت .؟؟
اما الحبل السري فالبيبي يوم يتحرك ****لله بيفج عنه ونحن بالسونار ما نقدر نجزم انه الحبل السري على البيبي..
المهم في كلا الحالتين اهم شي تعدين حركات البيبي اللي لازم تعدي عشر حركات في ال12 ساعة ..
وعن اللي يلفون البيبي في الرحم يسونها في عيادات مستشفى دبي اليديد .. وفي الوصل تسويه د.ماري جون .. هذا اللي اقدر افيدج عنه في المستشفيات الحكومية ..
يزاج الله الف خير على الرد….حبيبتي انا من العين هب من دبي…..
و الراس امبونه تحت بس هب فالحوض…بس اليوم كان فوق تحت ضلوعي..
و اللي متروعه منه انه حركة البيبي خفيفة ..!! يفتحن العيادات الخاصه فدبي باجر ؟؟
اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين…
الله يقومج بالسلامه يارب
ان شاء الله البنات يفيدونج
هذا معناته انه وضع الطفل غير مستقر .. في هالحالة نحن نحب نحرك البيبي جريب من موعد الولادة عسب ما يتحرك لين موعده لانه ممكن نجلبه ويرد يتحرك مرة ثانية … اتوقع انهم يفتحون باجر .. ****لله يفيدونج الاطباء ..