مرحبا خواتي
باختصار .. أنا حامل بتوأم و لله الحمد .. عقب معاناه
و الحين انا 17 اسبوع .. و عنق الرحم عندي 3 و نص
بس خلال الاسابيع الي طافت .. كان ينزل عليه دم ..تامه محبوسه في البيت .. و كله منسدحه .. راجعت عند الدكتورة وفاء في الميد كير في دبي ..قالت أحسن اسوي ربط .. لانه محد يعرف شو يستوي في المستقبل .. وايد حريم يعقون في الشهور اليايه
ونا حامل بتوام اخاف من وزنهم لا سمح الله يستوي شي
شو تنصحوني ؟ اربط ؟ والله اخااااااااااااااااف منو منكم ربطت ؟
و وين نتصحوني اسير ؟
اذا الدكتورة نصحتج بالربط اربطي لانها اكيد ادرى من اي حد ثاني على حالتج
والله يتمم عليج وتفرحين بشوفتهم ان شالله
انا اعرف حرمة فكل حمل تحمله اتسوي ربط واذا ما سوت اتنزل ….. والحين ماشاء الله عندها اربع عيال وفكل مره اتسوي الربط ….. لانه عنق الرحم عندها صغير او قصير بتعبير ثاني …….
هي في اول وثاني حمال لها كله اتنزل فالرابع والخامس يستويلها نزيف واتنزل وعقب قاموا ايسوولها ربط وبس بمواعيد متقاربه ومرات يرقدوها عندهم عشان يتابعونها ……… هي سوت في مستشفى الكورنيش …..
يزاكم الله خير على الردود
فديتني والله .. والله انج بردتي قلبي .. الله يبرد قلبج .. بس انتي وين سويتي ربط ؟
الله يسهل عليج,,, الربط يحل ها المشكله ان شاء الله,,,,,, لا تخافين,,,, بس لا تتأخرين لأنج أظن بعد الثالث ما يصير تربطين خلاص,,, توكلي
عااادي حبيبتي .. انا مسوية ربط في الاسبووع 13 والحمدالله رب العالمين … انا طول عنق الرحم عندي 4,3 يعني طبيعي .. بس لانه عندي اجهاضات سويت ربط… حبيبتي مووول ما بتحسين بشي… الا بشويه مغص شرات الدورة … وبكم نقط دم يومين او 3 ايااام … والله واااااايد سهلة العملية ….
ونصيحتي الغالية سويه ربط اذا ما فادج ما بيضرج.. وتوكلي ع رب العالمين ,,,,,,