بنات انا توني مخلصة الاربعين الحمدلله و عندي سؤال عن الخياطه …. انا مربية
طبيعي و الجرح ملتئم و الخياطه ماشاء الله مضبوطه بس عندي مشكله يمكن تكون
طبيعية و الكل يمر فيها عسب جيه ابا اطمن و ما اتم احاتي …
للحين الاحساس في منطقة الجرح مب طبيعي … يعني مب ألم … انا امشي و اقعد
و كل شي اوكي بس احس بشي مب مريح و ماقدر اغسل المنطقة براحتي لازم اشوي
اشوي لاني لو فركت بقوة احس بحرقة و الم …
الشي الثاني ….
المنطقة احسها كأنها متخدرة يعني شفتوا كيف يوم يضربونكم ابرة بنج تحسون المنطقة
سميكه و مافيها احساس الا يوم تقرصون بقوة؟ انا جيه احس ….
كلمت الدكتورة و قألت هذا كله بيخف تدريجيا،…
قلت اسألكم و اطمن احسن …
ماعندي خبره بهالمواضيع الله يعينج وان شاءالله الاخوات يفيدونج
نفس الشي صار معاي،، وبالفعل بعد فترة رد الاحساس طبيعي في المنطقة
اصبري شوي،، واذا حسيتي ان الاحساس الغير المريح بعده موجود سيري عند الدكتورة مره ثانية وخليها تكشف عليج
الله يشفيج اختي الغالية
ســــوارهـــ
اماراتي اسمج في السماء عالي
صح حبيبتي
لان الرحم و المنطاقه الحساسه ترجع لطبيعته بعد مروور اكثر من شهرين
بالنسبه للحروق و االالم يمكن اتحسين فيه لانه بعده الرحم ما رجع لطبيعته 100 بال 100
و رااح تتذكرين العرس و اهواله ……….^^
ربي يسهل عليج ..^.^
بس بيختفي تدريجيا و ان شاء الله كله خير
مشكورات خواتي على الردود عالاقل طمنتوني انه هالشي طبيعي الحمدلله و انها فترة و بتعدي ان شاء الله