السلام عليكم ورحمة الله وبركاته
انا مربيه صارلي 10 ايام تقريباً واصعب شي في الولادة كانت الطلق والخيااااطة وااااااااايد تألمت منها و بغيت أسأل صاحبات الخبرة متى الخياطة بتخوز؟ وشو اسوي عشان اخلي الخياطة تتبطل و افتك ؟؟
قالولي ماي حار وملح… جربت يومين ومليت
وبعد سمعت كريم ميبو .. وانا استخدمه يومياً تقريباً بس احس يعورني يوم أيلس لانه الخياطة من داخل مخيطيني…
اتمنى الاجابة على استفساري ولكم جزيل الشكر 
ماي وملح وميبو بعد زين انا اخذ دوا من صيدلية حمد الي في الشارجه لونه بنفسجي تتودين به ينظف والخيوط اتطيح بسرعه بس انا اربي عند دكتوره نهله بعد الولاده باسبوع اتشل الخيوط بس اخر ولاده اتبهدلت لاني ربيت في الوصل
ماشي احسن من الميبو…………
الخياطه يبالها اسبوع……..
راجعي دكتورتج
انا كنت احط مرهم مال عيون على الخياطه وخازت بسرعه
الملح يحررررررررررق ويلسع والخياطه للحين ماالتأمت حرام عليك تستخدمينه
تغسلي بشاي .. ماء وحطي فيه ليبتون وسويه غسول للمنطقه ..وبعدها حطي كريم ميبو مرتين باليوم والخياطه ماتطيح الخيوط الا بعد مايلتأم الجرح تطيح من نفسها …. لاتطيحيها قبل وقتها مو زين ..
حبيبتي عن تجربة لاتستخدمين الماي والملح وهالشغلات
يسبب إلتهابات
أنه تميت شهر بس قعدت اعالج هالإلتهابات
يا الغالية انتي عقب ماتطلعين من المستشفى يعطونج ادوية
تحطينها على الجرح
واذا ماعطوج روحي ادخلي على الدكتورة
وخلها تعطيج
لانة صراحة الالم مايروح الا بالأدوية
الله يعطيج العافية
والحمدلله على سلامتج
الله يعينج
ذكرتيني بمعاناتي قبل
وان شاء الله ماتتكرر بعد هالولادة