بنات انا عروس وعرسي عقب شهرين.. وطبعا لازم نسوي خلطات وسوالف التبييض والتنظيف والتفريك قبل الزواج عشان نكون شرات الوردة ^^
بنات.. انا امس امي الله يحفظها اشترت لي من السوق كالآتي:
الورس + الصندل + النيل + صابون الكركم + زيت الزيتون+ سافيد (( شي دائري ابيض يشبه لحد كبير اليقط الايراني اليابس وهو يستخدم لتبييض بشرة الوجه ))
امممممم ما عرف كيف أبدأ فيهم.. بس فكرت انه اخلط الورس مع الصندل بزيت الزيتون واحطه على ويهي وجسمي بالليل وارقد فيه والصبح اتسبح واتفرك بصابون الكركم.. وحق ويهي اسوي قطعة من السافيد على ليفة ناعمة وافرك فيه ويهي.. والنيل استخدمه باليوم الثاني واخلطه مع ماي الورد واحطه على جسمي و اتسبح الصبح كالعادة واتفرك بصابون الكركم والسافيد.. امممم ياترى صح اللي اسويه والا شو رايكم؟؟ افيدوني حبايبي الله يرزقكم كل خير
اترياااااكم.. ياليت باسرع وقت لاني ببدأ الليلة
السفيد اب (الابيض اللي يشبه اليقط)اطحنيه وبللي ويهج بالماي وحطي منه وفركيه لمده خمس دقايق وشوفي النتيجه الغاليه واغسليه عقب ردي حطي منه مره ثانيه وهو مطحون بدون فرك نامي وشوفي الصبح كيف بتكونين بشره بيبي..
عليج بالسدر الغاليه يوحد لون البشره ويشيل الخلايا الميته قبل كل استحمام الغاليه..
حطي كركم للجسم خليه يوم كامل مايضر الصبغه تشيلينها بالسدر عسبت لون الجسم
مشكورة اختي دنيتي الامارات عالنصيحة.. بس السدر اشتريه من السوق يعني يكون مطحون والا اييب ورق السدر وطحن الورق ماله والا كيف؟؟
وشكرا
المشاركة الأصلية كتبت بواسطة < أمون > 
وشكرا
هلا حبوبه..
السدر تقدرين تشترينه بس الاحسن السدر اليمني لوعندكم سدره بالبيت خذي الاوراق وجففيها بالشمس عقب اطحنيها
مرحبا عندج الكركم
للجسم تخلطين الكركم مع زين السمسم وتخلينه لمدة نص ساعه الى ساعه
اما للوجه تخلطين كميه من الكركم مع روب او مع حليب
مشكورات خواتي عالنصايح.. جزاكن الله الف خير
بغيت أفيدج بس بصراحة أنا استفد أكثر