مرحبااا بنات سيدات الامارات
ياااريت تفيدوني في كتابة قصة للأطفال عن الخرافات الخاطئة الي تربينها عليها.. من مثل اذا رفت العين يعني في شيء مب زين بيصير .. يعني من هذي المعتقدات الخاطئة .. انا اريد اسوي كتاب للأطفال يحتوي على اكثر عدد من هذي الخرافات وممكن يفيد أطفالنا ويوعيهم بأن لاووجود لهذي الخرافات في حياتنا وانها مجرد اكااذيب فقط نبني فيها احساسنا بما سوف يحصل في المستقبل ..
ياريت يا بنات تفيدوني شو مثل هذي الخرافات الي ممكن اكتبها في الكتاب الي بسويه ان شاء الله.. ويجب ان تكون هذي الخرافات منشرة ومعروفة في مجتمع الامارات بالتحديد.. يااريت الي عندها اي فكرة تسااعدني ..
ومشكوورات غااالياااتي
اممممم اذا لبست الثوب مقلوب بتييك هديه او بيصب المطر .. اذا حسيت بحكه في يدك حد بيعطيك فلووس .. وفييه بعد اذا بنتين قالن كلمه مع بعض لازم يدقن الخشب اول اونه اللي بتسبق بتعرس هع .. اممم اذا استوى طنين في ذنك اليمين يعني حد يرمس عنك ويسبك واذا فاليسار حد يمدحك .. اذا في ريلك حبه خال بتسافر بعيييد .. هذا اللي عنديه الحين واذا تذكرت شي بكتبه ^^
وحلوه فكرتج وبالتوفيق الغاليه ^_^
واذا حبيتي اصمملج غلاف لكتابج ترانيه حاضره..
بصراااحه فكرة وااايد حلوة
وانا عن نفسي تربيت واخاف من صوت طير واسمع صوته دايما قريب المغرب لما امي حبيبتي تسمعه تقول الله يستر احس فعلا بصير شي لان تعودت على هالشي وهاي خرافة أصلا
ادا شفتي غراب الصبح يعني شي مب زين بيصير لج ويومج بيكون شين …
فيه حشره تطير يوم يشوفونها يقولون انه فيه شي بيصير ويسمونها بوبشير
وسالفه يوم يطيح سن من اسنان الاطفال يقولولهم بتاخذه الغزاله وما ادري شوه نسيت الباقي
وفي شي قريته هنيه في المنتدى غريييب ويمكن يناسب الاطفال
انه اللي يمرض ممكن يكون السبب من اسمه فيغيرون اسمه ويصير بخير !!
فيه معتقد يعني اذا حد قام من مكانه .. وكان مكانه دافي يعني عنده بيزات هههههههههههههههههههههه
مشكووووووووره الغاليه هيه والله صدقج