بنات أنا مرضت صارلي احتقان حاد وخدت مضاد حيوي لمدة خمسة أيام بعدها بعشرة أيام سويت فحص وطلعت حامل بس وقتها يوم كنت آخد المضاد كان موعد الدورة بعده فما يبين إدا حامل
هل المضاد بيأثر على حملي؟
أسألي دكتورتج,,, بس أعتقد ما صار له شي بإذن الله لأنه كان في مرحلة انقسام الخلايا و ما كان متكون
إن شاء الله ما في شي
لأن أحيد الدكتورة وصفت لي فالبداية مضاد وقالت لي في الأيام الأولى ما يأثر بس أنا ما خذته
بس الحين بعد وصفتلي إياااه وآخذه ..
فإن شاء الله مايضر
وعسب تطمنين بعد اسألي الدكتورة .. ولا تحاتين وااايد
والله يثبت لج ولنا الحمل ويسهل علينا
ان شاء الله ماعليج شر ..
انا سويت عمليه وانا حامل فالشهر السادس وكانت تخدير كااااااامل وعقب يلست اسبوع كامل اخذ مضاد حيوي
والحمدلله بنتي بخير وعافيه مافيها شي 
ولو يأثر مابيعطوني اياه
انا فالشهر الثالث يتني حمى قويه وبلاعيم وصفتلي الدكتوره مضاااد قوي ولين يومج خايفه
وانا الحين بدش السابع صح يقولون لي البيبي بخير بس لين اشوفه بعيني بطمن وان شاء الله خير