الحمدالله ربيت باحلى بنوووووته

الحمدالله مليووون حمد وشكر ربيت بتاريخ 23 بالاسبوع 37يعني مب موعد ولادتي
في هاليوم كان عندي كالعاده موعد في الكورنيش ومن الساعه تسع الصبح تييني الاوجاع وترد كل ربع ساعه ويوم قلت حق الدكتوره قالتلي هذي الام الطلق وكان مفتوح 2 سانتي ورديت البيت عاد انا قلت فرصه اسبح ماي دافي ومشيت نص ساعه والاوجاع تزيد العصر نزل عليه دم خفيف عرفت ان قربت على الساعه 8 خلاص الاوجاع قاعده تزيد وانا حالتي حاله سويتلي زعتر ومعاه ملعقتين عسل شربته مع رطب وشليت معاي كيس رطب قعدت اكل منه في السياره وصلت وانا ابكي من الوجع دخلوني غرفة الولاده على الساعه 9ونص وكان مفتوح 7سانتي قلتلها اريد ابرة الظهر لاني كنت مسجلتنها في ملفي قالتلي مايحتاي مابيعطونج لانج خلاص قربتي باقي 3سانتي وتولدين والحمدالله يبت احلى دانه على الساعه 11ونص
لكن بعدها حولوني غرفة العمليات لان المشيمه ظهرت مقطعه والباقي داخل ولازم يظهرونه بعمليه يعني تنظيف طبعا خذت ابرة الظهر يعني بنج نصفي والحمدالله عدت على خير بس خاطري اعرف ليش المشيمه ظهرت مقطعه مب كامله ونسيت اسال الدكتوره
وطبعا ابرة الظهر ماعورتني لان قبلها الدكتور يبنج المنطقه ويخبرني بالخطوات اللي بيسويها عسب لاخاف والحمدالله بعد العمليه نفس الشي ماعورتني ولاحسيت فيها