السلام عليكم
لاحظت بعض الخوات الله يصلحهم هم يخربون رياييلهم
في فرق خواتي بين الاحترام و التقدير و الصبر
تصبرين عليه لانه مديون و تستحملين
و بين الحرمة اللي كانها مصرف مركزي او انها سي السيد
اختي الغالية …
انتبهي من غدر الزمن حتى لو زوجج كان أروع زوج في العالم و ملك الرومنسية و الوفا و الاخلاص
انتبهي تاخذين دور الزوج و انتي مب حاسة
و السبب انتي متعودة ع ها الشي ف بيت اهلج
انتي ما فيج تصبر تترييين ريلج يسوي الشغل و يروح و يرجع
و شوي شوي بتلقين لا اراديا انتي تسوين كل شي و هو قاعد
دايما عودي الريااال يكون ريال البيت هو اساس البيت ،،،، يشتري و يسوي و اييب و يوصل ….
في حالات جدا خاصة يوم يكون مب موجود انتي بتخلصين الشغل بالعكس شي حلوو
لكن دامه موجود خليه هو سي السيد ،،
هو عمود البيت و انتي الانارة و الاضاءة
هو الشارع و انتي اشارة المرور
هو اساس البيت و انتي الاسمنت خخخخخخخخخخخخخ حلو التشبيه صح
هو الطابق و انتي الصبغ
هو الرياال و انتي الحرمة
اتمنى وصلت المعلومة بارك الله فيكم … والله نصيحتي ببلاش و عن تجربة
النصيحة مب بس للي تشتغل
حتى اللي ما تشتغل و تتنازل عن اشياء وايد مهمة
عوديه ع اشياء معينة
عوديه يسوي لبيته و عياله و حرمته دام راتبه زين و يقدر يوفر لكم احتياجاتكم
عوديه دام عنده بيزات بالعكس يسكنج ف سكن خاص
مب شرط اللي ما تشتغل يعني تسكن ف غرفة وحدة في بيت اهل زوجها طول عمرها ع كلام بعض البنات
عوديه ان راتبج لج
و ان زين منج ساده نفسج
ولو بتساعدين هذا كرم منج و انتي ادرى بحالة بيتج
مع ان اي رجل ملزوم يصرف ع زوجته لو كانت وزيرة
كل شهر دلعي نفسج بسويرة بخاتم ذهب بطقم بطلعه بسبا…..الخ
الحرمة اللي تسكت و تتنازل عن كل حقوقها
والله ما بتلقى لا احترام ولا تقدير ولا خوف !
لاحظوا بعض الخوات و الزوجات و حريم اخوانا الهاديات
كيف يحصلون بعض المعاملة السيئة من الزوج و اهل الزوج
ولاحظوا اللي تاخذ حقها بيديها كيف الزوج يحترمها …
البعض يسمونها ملسونة راعية مشاكل …………الخ .. اقصد بشكل عام
اليوم هو محصل كل شي منج باجر بيدور له وحدة و بيصرف عليها
و والله بيشتري لها طقم الماس بعد و بيشتري لها من كارتييير و فان كليف و انتي اقعدي ربي ها العيال
و صيحي ليش يشتري لها وما يشتري لج
لانج عودتيه ما تاخذين منه فلس
لانج عودتيه تقولين له ما على حبيبي عندي بيزات
لانه يوم يسألج عن راتبج تقولين عندي بيزات
لانه يوم يقول لج حبيبتي ما عندي لبناء البيت ع طول تفتحين جيبج
ابني و سوي بالعكس هذا بيتج و بيت عيالج بس هل بيكتب نصه باسمج !!!!
اللعابين منهم بيقولج لاااااااا
بس اللي يخاف رب العالمين و واثق فيج بيقول لج حقج حبيبتي نصه لج
النصيحة تتفاوت من زوجة لزوجة
و كل وحدة تقدر حالتها الخاصة جدا
و اتمنى من البعض فيكم تروح المحاكم تجوف قضايا الزوجات ع ازواجهم
بنت بيت و سوت و اخر شي باع البيت
او ياب زوجة يديدة سكنها ف البيت و زوجته سايرة العمره
او حتى اخر قضية سمعتها ان اهل الزوج يطالبون بالورث من البيت و الزوجة بانية نص البيت و البيت باسم الزوج المتوفي الوفي اللي ما في منه بس سبحان الله الله كتب له يمووت
الحين متفرفرة ف المحاكم
انتبهوا خواتي
الحق حق
و الحق ما يزععععععععل ابدا !!!!!!!!!!!!
شرات ما قلت كل وحدة ظروفها غير عن الثانية
و كل شي ترومين تحصلين عليه بالطرق الملتويــــــــــــة
بالكلام الطيب
ترى الكلام ببلاشششششششششششششششششششششششششش
و اتمنى الخوات يشاركون بتجاربهم في ها الامور
هل ندموا على بعض الاشياء اللي ذكرتها
او كيف وضعهم الحالي من باب الواحد يستفيد من التجارب
انا ندمت شخصيا ع بعض الامور بس الحمد الله تداركت الموضوع و سعيت لاني اغير بعض الاشياء في حياتنا
مثلا موضوع السكن مع اهل الزوج و نحن نسكت بحجة ان الزوج مفلس وما عنده و هو من الصوب الثاني قادر يدفع مبلغ بسييط للايجار لو سكنا في شقة صغيرة
من ناحية المصرف ما احط فلس احمممر هو عليه كل شي و راتبي ف جيبي
متى ما بغيت اساعد براحتي و اساسيات البيت عليه ..
اللهم في امور السفر و الوناسة اشاركه مثلا سفر
للحين ما دخلت عش الزوجيه..
بس راضيه ان اسكن في بيت اهل ريلي لأن عمي متوفي وعمتي انا وريلي اولا في برها..
عن المصروف.. احاول مرات اساعد ريلي يوم اشوفه بضيقه (بحكم ان هو اللي دافع وبيكمل كل مصاريف العرس) بس دوم يقول لي منقود وما يطيع اشاركه..
فمني ومن نفسي قلت له خلاص بدال القاعه الفخمه اللي المنيو للشخص يتعدى 280 بناخذ الأقل فخامه فندق 5 نجوم بــ 130 للشخص (هو يبا مكان راقي وما طاع ناخذ اقل عن جي)
والكوشه مع التنظيم مب لازم نصمم بــ 50 و 60 ألف،، 20 تكفي والحمد لله لقينا شي مرتب وراقي بــ 16..
وكل الأمور تياسير من الله..
في حالتي،، بعد العرس ما اظن بتكون عندنا هييج المصاريف فان شاء الله راتبه بيكفي وبيزيد ^_^
انا ندمت لاني كنت اقوم بدور الريال في كل شئ مع العلم اني ما بداوم بس كنت اسوي كل المشاوير وطلبات البيت وكشف الاولاد كل شيييييييييييييييييييييئ كان مسئوليتي حتي الطلعات كانت بروحي بالاولاد وهو ابدا ما في مسئوليه ودفعت الثمن للاسف خيانة منه الحمد لله علي كل حال
فعلا صح كلامج اختي ومشكورة عالنصايح مرات الحرمة اتسوي اشغال الريال وهي فعلا مب حاسة والريال يتحول حرمه وهو حاس بكل شى 
صح السانج والله ييتي ع الوتر
تسلميـــــــــــــــــــــــــن
كلامج صحيح الغالية
و القضية اخواتي مب بس موضوع الصرف و الفلوس بل
الحذر من الوحدة تتزوج و لو ربيعاتها ملتزمات الريال يمنعها منهن بدون اي دليل واضح و مقنع
يمنعها من كل هواياتها لدرجة يوصلها انها تنسى هي من اصلا ..
تنسى هويتها و تنسى يوم من الايام كانت ذات شخصية و راي ممزوجة باحترام ببيت ابوها