هلا خواتي اشحالكن عساكن بخير ..؟
أنا حامل بالشهر الثاني الحمد لله الله يثبته ويتمم لي ع خير واولد طبيعي طفل حسن الخلق والخلقة
اريد اسالكن هل الحرارة الشديدة تاثر ع حملي .. يعني انا اجلس قرب الدفاية لين احس بالدفا..
واسبح بماي حااار واجلس فيه.. بحكم البرد .. بس قالوا لي انتبهي يمكن الطفل يموت من الحرارة …
الله يحفظه لي …
هل هذا الكلام صحيح او مجرد خرافة .. اتمنى من الي تجاوبني ربي ييسر لها ويحقق لها الي في بالها .
الصراحه ما اعرف مدى تأثيره على الحمل وعلى البيبي بس انا بعد الدكتوره منعتني اسبح في ماي حااار اكثر من 10 دقايق بس تقولي خليه دافي يعني الجسم العادي يقدر يتحمله ..
وبخصوص الدفااايه ياختيه حسب علمي انها اظهر غاز مضـر بالتنفس والمجاري الهوائية يعني كانت اختيه يوم تيلس فترات طويله تحس الغرفه كتمه مافيه هوا ..
** فأنصحج تلبسين اشياء ثقيله عشان البرد ولو احتجتي للدفايه تقدرين اتشغلينها فتره لين ما يدفى المكان وخلاف بنديها ..
والله يثبت حملج ويحفظه من كل شر يارب وايسر علينا وعليج 
أنا اللي أعرفه مهب زين…والله أعلم..
بس إنتي احترازا ابتعدي عن الحرارة … والله يتمم حملج على خير يارب … ويرزقج الحمل السليم الثابت… آمين يارب العالمين…
الغاليه الحراره مضره بالجنين …
والدفايه عموما لها مضار أكثر من فوايدها … فتجنبيها أحسن ^^
البسي ملابس ثجيله وبتدفين .. واستغني عن الدفايه نهااائيا
والماي الحار بعد مضر بالجنين .. لانه يحرك الدوره الدمويه و ممكن يرفع ضغط الدم و يسبب لج غثيان وارهاق وبالتالي يتأثر الجنين … و عموما الماي الحار له مضار جماليه على البشره فعودي عمرج على الدافي او المايل للبروده ^^
عليك توخي الحذر تجاه الحمامات "الساخنة" لعدم معرفتنا الكثير عن تأثيرها المحتمل على الدم المتدفق عبر المشيمة أو على الجنين. وربما يؤدي الماء الساخن جداً إلى إصابتك بالدوار (الدوخة) أو الغثيان، لأنه قد يقلل من ضغط الدم بصورة كبيرة – وهو أمر غير مستحب.
الله يثبت حملج ويحفظه لج من كل شر يارب
وايسر علينا وعليج ياااا رب
ربي يثبت حملج ويوفقج يا رب
كل شي مشكوك فيه اتركيه أحترازيا وسألي طبيبتج بأي شي تفكرين فيه سؤاء بسيط أو صعب
أتمنالج التوفيق
الله يثبت حملج أبتعدي عن إي شي تشكين فيه أفضل