السلام عليكم خواتي انا ولدي من عمره اسبوع التهبت عينه وكله وسخ يطلع منها والجفن مورم واحمر وعقبها بكم يوم انعدت عينه الثانيه طبعاً وديته عند الطبيب وعطاه مرهم للعين استخدمته اسبوع صارت عينه احسن راح الورم بس بعده الوسخ يطلع منها وعقب رديت مره ثانيه عندالطبيب وعطاني قطره معقمه للعين مع استخدام المرهم بس يا بنات انا خايفه عليه لانه طول الالتهاب فيه يعني الحين صارله اسبوعين ولا يبطل عيونه الاشي بسيط وما يروم يتحمل الضو مع انه قبل ما تلتهب عينه كان عادي يبطل عيونه حتى اذا في ضو بنات الله ينولكن اللي في بالكن منو مرت في مثل هالحاله وهل تشافى بعدين ردو علي طمنوني
سخني ماي وعقب دفيه مسحي عين ولدج بقطنه بالماي الدافي سوي هاي الحركه ثلاث مرات في اليوم، وبعد سوي مساج حركه دائريه بصبعج الصغير وين مدمع العين واستمري عليها عادي في اليوم تسوين هاي الحركه عشر مرات ابدا ما تضر . استوي حق بنتي يوم كانت صغيره ونصحني دكتور اني اسويه. الله يشافيه ان شاء الله
أنا ولدي من أول يوم التهبت عينه و الدكتورة قالتلي حطي قطرات من حليب صدرج في عينه و بدون أدوية و ما شاء الله تحسن اسألي الدكتور و تأكدي
مشكورين على الردود وجزاكن الله كل خير
و انا بعد ولدي عيني التهبت و قالولي حطي حليبج و الحمدلله خف
جربي وان شاء الله خير
كل اطفال العائلة بعد ولادتهم يصير فيهم جي و الدوا هو حليب الام
احيانا القناة الدمعية ما اتكون اتبطلت فتلتهب العين سوي له مساج بصبعج السبابة كأنج تبين اتبطلين القناة من فوق لتحت دوري في الغوغل مساج لفتح القناة الدمعية عند الرضع بتحصلين رسمات توضيحية ولازم اتكونين قاصة اظافرج وامعقمة ايدج قبل لا تبدين بالمساج
الله يشفيه ويعافيه مايشوف شر