حبيت اسالكم خواتي عن التلقيح الصناعي لاني بعد تسع ايام بسويها
منو منكم سوتها ونجحت معاها
هلا حبيبتي انا ابا اسويه يوم برد من السفر بسويه ….
جربي وخبرينا ان شالله بتوفقين….
فديتج السالفة سهله ..وماتاخذ اكثر من نص ساعه .. الى 45 دقيقة ..
قبلها الدكتورة فايام دورتج للي قبل العملية بتعطيج حبوب كلوميد .. عشان تزيد اعدادالبويضات ..
وفاليوم ال14 من اخر دورة بتقولج اتيينها عشان تقيس البويضات واتشوف اي بويضة جاهزة للتلقيح ..
اذا شافتها جاهزة ممكن اتسويها لج فنفس اليوم .. اذا ماكان جاهزة بتقولج متى ترجعيلها .. وفي يوم العملية ..بييبون عينة من ريلج قبل العملية بساعه او اقل ..
بتدخلين انتي غرفة لعمليات .. بترقدين ع ظهرج .. وبتحاول الدكتورة تاخذ من حيوانات الرجل بابره وادخله في الرحم داخل .. ما بتحسين بألم .. إلا ألم خفيف يوم بتمسك عنق الرحم بالاله عشان تفتحه وادخل الابرة داخل .. وبتفرغ الحيوانات امنوية يم البويضة .. وبتم جي مدة نص ساعه تقريبا .. لازم خلالها اتكونين مرخية عمرج وهادية .. وبس بيظهرونج من غرفة العمليات ….لازم خلاف تنامين ع ظهرج مدة ساعتين .. وعقبها عادي اتروحين البيت ..بس بتقولج لا تحاولين تيلسين وايد ولا تجهدين نفسج ..وعقبها تتريين لين موعد الدورة الياية .. اذا يتج يعني ما نجحت .. واذا ما يت تراها نجحت وانتي حامل .. 
يمكن تحسين باآلام اول شي..عقب العملية بس بسيطة ويمكن ينزل عليج دم بسييييط من مسكة عنق الرحم بهاييج الاله .. بس لا تخافين .. عادي ..
مرات بعض الحريم يحسن بانتفاخ بسيط .. وعوار فبطنهن يشبه عوار الدورة .. فتره جي ..يمكن لين مايي موعد الدورة الياية ..
هالعملية اتكررينها 4 مرات ورا بعض .. لين ما تنجح اذا مانجحت فهالاربع مرات .. لازم تاخذين فتره راحه واتردين اتسوينها اجين ..
وبس
اختي كلمات مشكورة على هذا الشرح المفصل بس انا بغيت اعرف نسبة النجاح ومن اي مرة من التكرار تنجح وتطلع الوحدة حامل