مساء الخير خواتي
عندي استفسار ان شاءلله بربي هالايام ب عمليه قيصريه بنج نصفي
عندي أسئله ياريت تفيدوني
كيف البنج النصفي وشي حاجر انج ماتشوفين شي ولا تشوفين كل شي
كم مده العمليه
يزاكم الله خير
اختي انا كنت بنج كامل يحطو ستاره وبعد بالموضعي يحطون ستاره قرايبي جيه اول شي بتكبسين ظهرج لين يوصلو اخر فقره وظربونج فيها ابره ولاتتحركي وعقب عادي اظن نص ساعه الي ساعه وطبعا بتشهدي الحدث باذن الله بيعطونج البيبي وخلاص حسب معلوماتي
طبعا اول شي دكتورة التخدير تعطيج ابرة الظهر اللي هي الابدورال . ابرة دقييقه و ﻻزم ماتحركين
و هم يعطونج اياها .. عقب شوي بيبدا المفعول مابتحسين بالجزء السفلي من جسمج و 20 دقيقة و البيبي بيعطونج اياه
كانوا حاطين ستاره طبعا و كنت احس نفس الشد و السحب وقت العملية فقط هاﻻحساس مب انه سهل بس احساس غرييييب و عقب بعطونج البيبي دقايق وقت الخياطة يمكن شوي غفلت غفلت و لقيت عمري يحطوني عالسرير . و صح قبل العملية بيركبولج قسطرة للبول . و بعد العملية بتم بعدها موجوده ﻻنج بعدج فاقده اﻻحساس مع الوقت بتبدين تستعيدين حركتج و بيشلونه عنج . و اقولج ان شاء الله مافيها اثار جانبية من اﻻبره ﻻ توسوين ظهرج بعورج و من هالرمسة.
الله يسهل عليج وماتشوفين شر
بس ليش حددولج عمليه
سويتها في قيصريتي بولدي وعادي مافيها أي شي
يحطولج ستارة وما تشوفين شي ، بس سبحان الله لأنج واعيه ف تفكرين بشي لكن بروحج بتهدين
الابرة في الفقرة الأخيرة من الظهر والعملية ما تتطول بالكثير 30 – 45 دقيقة
ويحطولج قسطرة بول انا خليتهم يركبونها عقب التخدير
وعقب العملية بتمين كمن ساعه لين يرجع الاحساس فريلج وعادي تتحركين عقبها
مافي آلالام بس شوي شوي فالحركه
بس بتاخذين إبرة لمدة ثلاث أيام تمنع تجلطات الدم، وأنصحج تمشين وتحركين ريلج كل فترة وفترة
لانه الحركة زينه
بعدها بأسبوع إلى عشرة أيام بتحسين نفسج رديتي لطبيعتج وحركتج
والجرح بالكبس مب خياطة ويلتئم الحمدلله بسهولة
يمكن أول 6 شهور ما تبين تسوين واكس للمنطقة عسب تتجنبين الجرح يصيرله شي
أهم شي تتم المنطقة جافه بس عادي تسبحين لكن لا تفركين مكان الجرح
والله يسهل عليج،،
دعواتج لنا
المشاركة الأصلية كتبت بواسطة [..دانــة..] 
يحطولج ستارة وما تشوفين شي ، بس سبحان الله لأنج واعيه ف تفكرين بشي لكن بروحج بتهدين
الابرة في الفقرة الأخيرة من الظهر والعملية ما تتطول بالكثير 30 – 45 دقيقة
ويحطولج قسطرة بول انا خليتهم يركبونها عقب التخدير
وعقب العملية بتمين كمن ساعه لين يرجع الاحساس فريلج وعادي تتحركين عقبها
مافي آلالام بس شوي شوي فالحركه
بس بتاخذين إبرة لمدة ثلاث أيام تمنع تجلطات الدم، وأنصحج تمشين وتحركين ريلج كل فترة وفترة
لانه الحركة زينه
بعدها بأسبوع إلى عشرة أيام بتحسين نفسج رديتي لطبيعتج وحركتج
والجرح بالكبس مب خياطة ويلتئم الحمدلله بسهولة
يمكن أول 6 شهور ما تبين تسوين واكس للمنطقة عسب تتجنبين الجرح يصيرله شي
أهم شي تتم المنطقة جافه بس عادي تسبحين لكن لا تفركين مكان الجرح
والله يسهل عليج،،
دعواتج لنا
نفس تجربتي الحمد لله كانت عملية سلسه
ودعواتكم هالمره أولد طبيعي
انا جربت الاثنين النصفي والكامل
النصفي كنت متخدرة وشفت ولدي فديته يوم طلعووه
وكانو حاطين حاجز
اما في بنتي طلبت بنج كامل ويوم نشيت شفتها فديتها
اما بخصوص مكان العملية يكون بالكبس
وبعد يومين خلوني امشي والحمدلله خف الالم
ودايمن اغسل مكان العملية بغسول نسائي
والمكان لازم يكون جاف