مرحبا بناااااات …
شحالكن ؟؟
عساكن بخيييير ؟؟؟
أريد استفسر عن البصل … و بالتحديد ماي البصل … شو فايدته للشعر ..؟؟
لأنه امي من أيام لقت وحدة مغربية و عاد توالفهن الحريم و بيسولفن عن كل شي المهم انه المغربية هذي طلعت تشتغل في الصالون يمكن .. المهم أمي سألتها عن الشعر و شو نسوي عشان يغلظ و يطول و من هالكلام …
و عاد وصفة لها البصل الأحمر …
فأتمنى أنكم تفيدوني اذا كانت عندكم فكرة عن هالموضوع … عشان أكمل لأني الين الحين بس مرة وحدة حطيته على راسي …
و السموحة منكن
ما عرف ان شاء الله البنات يفيدونج
الغاليه انا شفت موضوع في المنتدى..
عن الشعر ان الاندونيسيات يستخدمن منقوع البصل الاحمر
وانا استخدم زيت الغاليه من شهر ونص الحين ناسيه اسمه ب7 دراهم من اتحطينه على راسج كانج حاطه فكس..
المهم..
خذت بصل احمر ووفرمته صغير مره وعقب نقعته في ماي يوم كامل وتميت احطه على راسي بين فتره وفتره
والله العظيم وبدون مبالغه وقف التساقط بعد ماتغسلينه اتحسين فروتج تحرقج…
حتى على حواف الراس بتشوفين شعيرات زايده…ومن اتحطينه واتخلينه ساعه او نص ساعه الوقت اللي يريحج يجمد شعرج بالكامل كانج حاطه قناع لشعرج
هذي تجربتي مع البصل بس وقف لان لاريحه لاتطاق بصرااحه تعقدت…
ماتخوز من الراس ..
بس انتي كيف خذتي ماي البصل شو طريقتج يعني..
يمكن اتكون حسن عني…
اختي لحظات .. يعطيج العافية … و تسلمين هالمرور الطيب ..
بس انا امررررررة غييير عن طريقتج .. طبعا خليت البشكارة تقطع لي البصل و يابته حق أمي
و عاد امي فدييتها اول شي لبست القفاز و شليت كمية من البصل و بإيدها عصرته و عاد انعصر الماي منه و عقب يابت قطنة و و تمت تحط على فروة راسي بالقطنة و انا خليته مدة ساعتين على راسي .. و بالعكس ما حسيت بأي حرقان و الله حسيت بشي بااارد على راسي .. و انا بروحي مستغربة من هالشي
المهم انه خلال هالساعتين حسيت شعري امرررررررررة يااااااااااااااااابس تقولين الله يعزج شعر ياعدة المههم حتى تميت اقول في خاطري هاي المغربية قاصة على امي و تخرب لي شعري و هو مب ناقص حد ايي يخربه أكثر … المهم اني يوم غسلته ريحتة البصل انا كنت أحس فيها انها ما راحت بس يوم خليت أمي و أختي يروحوون شعري قالوا لي ما شي ريحة بصل و استانست عشا ن هالشي و عاد في نفس الوقت كنت أحس شعري شوي يابس
قلت بشووف الين ما ينشف من الماي امررررررة … بصراحة حسيته ناعم أكثر عن قبل .. و انا اللي اباه انه يغذي شعري و من هالكلام عقب النعومة وغيرها …
و السموحة اذا طولت عليج أختي
استخدم قشوره مع بعض الأعشاب للحنة…
مرحبا …
اختي >> ummedeya
اول شي خذي البصل و قطعيه عادي كأنج تقطعنيه عشان الأكل بس عاد مب تقطعينه صغار صغار خليهن كبار شوي .. و عقب شلي كمية من البصل المقطع و بإيدج عصّي عليه كأنج ماسكة شي و تعصفينه و بيطلع الماي عاد الماي خليه بروحه مب تحطينه ويا البصل المقطع
و عقب شلي كمية ثانية و نفس الشي و عصريه الين ما تخلص الكمية المقطعة عندج .. و عاد عقب هاتي القطن اللي ننظف به الويه مب الدوائر المسطحة النوع الثاني او اي شي ثاني قطعة قماش مثلا اللي يعيبج ..
المهم عقب حطي على فروة راسج … و عاد من تحطينه سوي مساج بسيط حق الفروة و خليه مدة ساعتين و عقب غسليه …
و أختي انا الين الحين مرة بس استخدمته و هو مرة كل أسبوع تستخدمينه .. على قولت الحرمة انه واايد زيين حق الشعر و من هالكلام و انا كنت أبا اعرف فوايده أكثر عشان جذي نزلت الموضوع
بس و الله من أول تجربة حسيت بنعومة في شعري و ما سبب لي أي حرقان أو حكة و لله الحمد
و انا ان شاء الله بستمر عليه .. و اللي عندها معلومات ثانية عنه تخبرني …
يعطيج العافية أختي ثريا على المرور … بس انتي كيف تستخدمين قشوره للحنا ؟؟؟