مرحبااا بنات عساكم بخير ….
من زمااااااااااان ما سألتكن عن شي لووووول …
بنات عيد ميلاد ريلي آخر الشهر … و اريد اشتريله شي مميز غير الساعة و الميدالية و و و
لأني هديته منهم لين ما شبعت ….
و ريلي يحب التصوير وااايد و عنده صور حلوة … فقلت باخذ 2 من احلى صوره و بوديهم
مكان يكبرهم و يسويهم بلوحة خشبية نفس اللي في ايكيا ما اريدها صورة عادية مادري
اذا فهمتوا علي … بس وين ممكن اسوي هالشي ..؟؟؟
و الشي الثاني و اللي هو عنوان الموضوع … الاطار الالكتروني … يوم كنا في لندن شفنا
برواز الكتروني فيه وااير يتوصل مع الكمبيوتر (نفس الـ I-Pod) و تحطين فيه الصور
اللي تبينها بعدين ينحط على طاولة نفس اي برواز و تطلع الصور نفس الـ secreen server
حد شاف نفسه هنيه ؟؟؟؟؟
لقيت نفسه في النت بس قلت اذا موجود في الامارات احسن و اسهل …
السمووووحة و الله ادري طولت عليكن بس ادريبكم ما تقصرووون …..
هلا اختي البرواز الإلكتروني موجود في الإمارات وسعره تقريبا ب 1000 درهم بتأكد لج من عمي وبرد عليج خبر 
بنت النوخذة يا ليت حبيبتي تتأكدين و ترديلي خبر بسرعة … و وين موجود؟؟؟
و اللي شفناه في لندن كان على 800 تقريبا يعني ما تفرق ….
انتظر ردج و إلا تراني بحشرج في الرسايل الخاصة لووووووووووول …. ^___^
مشكووورة الغالية
اختي البرواز الالكتروني اللي تتكلمين عنه موجود في السيتي سنتر دبي .. الدور الارضي في محل الالكترونيات ..احنا ماخذين منه
بنت النوخذة ويييييييييييييييينج 
أنا كنت بسوي اوردر منه …. لكن ما رضوا يعطوني كميه صغيره … يعني فوق ال 1000 حبه .. !!
لاني كنت أريده حق البزنس مالي ..
هممم .. شوفيه .. يمكن بعد تحصلين منه في دراغون مول .. ولا محلات اللالكترونيات الكبيره ..
بنات خاطري أفهم شو فكرة البرواز الإلكتروني؟؟؟؟