السلام عليكم و رحمة الله و بركاته
اشحالكم بنات؟
عندي استفسار انا من كم يوم بس ادري انه في جلطة اتي للحوامل في ريولهم بسبب عدم وصول الدم بسهولة لفوق و ها بسبب الضغط و الثقل عالريل طبعا كل هالمعلومات توني اقراها عالنت
و انا صارلي اسبوع اييني شد في ريولي مكان الساق تحت الركبه يعني ( بطة الريل ) يشد علي و يتيبس لثواني و بعدين ترجع عادي مع الم خفيف فليل و انا راقده
و يوم خبرت الدكتورة قالت نقص كالسيوم
بس البارحه فليل ياني نفس الشد و التيبس اللي ايني دوم بس من هاك الوقت ريلي تعورني
الثنتين مب وحده و عقب لاحظت انه عندي من ورا ريلي وين ال
ركبه مكان العروق جي بقعه صايرتلي لونها غامج
والله واايد خايفه ماعرف اروح المستشفى و لا عادي حد مر في هالاشيا
انا بالشهر التاسع باقي يوم و ادخل اسبوع ال39
هل هاي اعراض جلطة الريل و لا عادي يعني
هو الالم مثل الم بالعضلات يعني صعوبه و انا امشي لانه يعورني
بس مب عارفه شو ها بالضبط طمنوني اذا حد يمر بنفس هالاعراض
و يزاكم الله بالخير
فووق
ان شاء الله تحصلين حد يفيدج
الله يسهل عليج
ان شاء الله تحصلين حد يفيدج
الشد اللي يصير للحوامل في الريل هذا طبيعي وخصوصا بالشهور الاخيره
ونقص الكالسيوم يزيده
كل الحوامل الي اعرفهم صار لهم نفس الشي حتى انا
بس دامج تقولين ان الالم مستمر عندج وفي بقعه روحي راجعي الدكتوره احسن ولاتهملين نفسج
وان شاء الله مافيج الا كل خير
ويسهل عليج الولاده وتقومين بالسلامه يارب
انا ايني شد واتعب ويوم سالت الدكتورة قالتلي نقص كاليسيوم
بس حبيبتي راجعي الدكتوره و ان شاء الله مافيج الا كل خير
عسى ربي يسهل حملنا
خوفتوني انا تقريبا من شهر ريولي يوم انا ع جنب تشد وبالذات عند عظمه الفخذ وتستوي لي بقعه كبيره زرقا وانا حاطه في بالي ان من الضغط ويوم انام ع جنبي اليسار الم ايني لين اخر ريولي اظن انه عرق النسا واليوم احس ان كليتي تعورني ما اعرف من شو هل من ضغط الجنين ولا شو مع اني فاخر السادس بس البيبي عندي شبهه مقعدي الله يستر طمنوني بليز
اناااااااا بعد بصيح من العوار لما اكون راقدة وااااااايد تعورني ريولي
امس الفير نشيت من الرقاد و تحركت شوي يعني ها نقص الكالسيوم في الجسم على قولتكن؟ الله يعيني وهذا انا ف اخر السادس عيل كيف بتكون حالتي في الشهور الاخيرة