الامساك والمغص وسهر الليالي . ساعدوني

حبيباتي هذا أول موضوع لي ولأني شفت منكم كل خير قلت أكيد بتساعدوني…
مشكلتي ويا البيبي فديته…
البيبي بيكمل شهرين تقريبا.. ومن خمسة أيام تقريبا عنده امساك.. عنده غازات وايد وايد…
بس ما يسوي شي… كله يطلع ريح وبس…

لاتعطينه ماي غريب لانه فيه ماده مخدره

واذا على الامساك كثري السوائل ووديه للدكتور احسن لانه كمن يوم ماسوا شي اكيد مابينام من ويع بطنه ولاتعطينه ميرميه يمكن هي زادت الغازات والا المغص عطيه كمون منقوف في ماي مع سكر نبات

فديتج هذا حال كل ياهل في الاربيعن تقريبا
ان بنتي كانت شرا ولدج بس موول ما كنت اعطيهها ادويه ابتعدي عنها كثر ما تقدرين لا تعودين الياهل على الادويه من يووم هو صغير .. خليج عالاشيا الطبيعية احسن له صدقيني

انا من تجربة اخبرج .. وادعيلنا

أختي لو تعطينه حليب صناعي غيريه ، يمكن ما ناسبه ، وعندك شاي الأعشاب وايد حلو ويريح الطفل أحسن من ماي غريب ، وحاولي تعطينه ماي لو بأطراف أصابعك أو بملعقة صغيرة في طرفها وما يشوف شر إن شاء الله

الغاليه كلنا مرينا بنفس المشكله بس أيام وبتعدي بالنسبه للغازات ماشي مثل الينسون رضعه 50 مل الظهر و50 مل المغرب وشاي الأطفال الرضع والمساج بزيت الزيتون الدافي وبالنسبه للامساك عليج بمحلول التمر وايد وايد يلين البطن .

واذا يرضع طبيعي شربي كوب منقوع الينسون وعطيه في الرضاعه 50 م لان الينسون مفيد للمرضع والاطفال

مشكورات خواتي عالردود الطيبة…

أنا عادي عندي لو يتم سهران طول الليل بس ماأباه يصيح .. يعورني قلبي عليه…