افكار وموديلات جلابيات لرمضان معى الشرح والصور

وبكتب بشرح كامل الخامات الي تقدرون تستخدومنها والافكار الي تسوونها

وان شاء الله موضوعي يعجبكم

الموديل الاول

الخامه الي تنفع له الحرير او الشيفون
تاخذون الحرير ساده وتشترون تركيبات ورد وكرستالات ملونه وتخلون الخياط يركبهم لكم بطريقه عشوائيه
او تشترون خامه مشيره مثلااا مورده والخياط يقصص الورد ويركب لكم على الخامه الساده وطبعا القصه تكون ناعمه شوي ضيجه من فوق وبعدين وسيعه وبتطلع دراعه ناعمه وراقيه

الموديل 2

الخامه الي تنفع له الحرير ممكن ساده او مشير
حركة الجم وايد حلوه وتقدرون تحطون بروش على صوب او تحطون دانتيل على الرقبه
وعلى الجم او تلبسون سلاسل وايد بأحجار كبيره

الموديل 3

هل موديل تقدرين تستخدمين الشيفون المشير او الحرير المشيرتسوين لرقبه عاليه معى خيوط على اساس تربطينهم فيونكه
وتشترين حزام جاهز وتحطين تحت الصدر
وممكن تركبين له جم مثل الجم بموديل رقم 2

موديل 4

الموديل سهل وناعم تحتاجين خامتين بلونين غير
والغي فكرة لحزام لانها موراكبه معى الموديل وسويلج دراعه بموديل المخابي وحطي على المخابي ممكن فيونكات من الدانتيل او نثري على المخبى كرستالات ملونه
او شوارفسكي

الموديل 6

الخامه الحرير او القطن انا افضل الحرير يعطي شكل ارقى
واخذي فكرة الكسرات الي بالنص وممكن تسوينها على طول الدراعه او على الصدر بس
وسويها جم طويل وبأخر الجم حطي الكسرات وممكن الكسرات تكون من الدنتيل وممكن تستخدمين خامه مشيره او ساده

موديل7

تحتاجين خامه ساده وخامات ملونه ممكن ساده وممكن مشيره
وتسوين الدراعه كلها ساده وتخلين الخياط يقصصج اشكال دوائر ونص دائره ويركبهم على بعض
وهم ممكن تكربين فوق الدوائر كرستالات ملونه
وممكن الدوائر تكون بنص وتتبدي شوي وكل ماتنزل الدوائر تكبر ولين طرف الدراعه تكون الدوائر كبيره

وممكن بدال الدوائر تحطين ورد ملون
او دانتيلات الخياط يخيطهم لج على شكل دوائر ويركبهم فوق بعض

موديل 8

فكرة الورده وايد حلوه تقدرين تحطينها على دراعه ساده وبتطلع لج حلوه وناعمه وغريبه
وخلي ارضية الدراعه لون والورده لون
وممكن تحددين الورده بكرستال او شوارفسكي او دانتيل

وبالاخير حبايبي تقدرون تاخذون من كل موديل فكره وتبتكرون موديل يديد

واتمنى انه موضوعي يعجبكم

وان شاء الله بتكون في مواضيع يديده مفجأه جلابيات من تصميمي

حلوة الحركااات ….