افـــــــــــــــكار وهدايا لحفلة تخرج اختي الصغيرة ~

شخباركم بنات عساكم بخير

فديتكم بما ان مخي مقفل للاسف ههههه حبيت اخذ خبراتكم واشوف اقتراحاتكم بالنسبة لحفلة تخرج اختي الصغيرة..

بعطيكم معلومات بسيطة عن الحفلة وعقب بقولكم شو ابغي فديتكم

1- الحفلة راح تكون في قاعة ان شاء الله
2- المعازيم بيكونون بنات خريجات ثانوية عامة وحريم كبار من الاهل وربيعاتنا..
3 – طلبت الكيك والكب كيك يعني الله يخليكم يا تاجرات لاتطرشولي رسايل خاصة يزاكم الله خير
4- خدت هدايا للحريم الكبار وللوالدة وليدتي الله يحفظهم ان شاء الله..
5- سويت ديزاينات البالون والورود وكل شي..
6- ناوية اسوي حركة اني اكرم مدرساتها الي بيحضرون واعطيهم شهادة تقدير من الخريجة تشكرهم فيها..
7- باذن الله بيكون في دفتر للخريجة المعازيم يكتبون فيه كلمة بسيطة لخريجتنا
8- طلبت من ربع اختي انهم اييبون كاب التخرج عشان يوم يخلصون يفرونه فوق كحركة وناخذلهم صورة سريعة وبجذي تنتهي الحفلة..

ههههههه ادري بتقولون هذي ماخلت شي ما سوته وبعد تقول مخي مقفل و lابا افكار ههههه..~

بس فديتكم الي ابغيه مثلا
1- افكار للهدايا للبنات الخريجات ( مب شي غالي يعني هديتين بس اذا جاوبوا في مسابقة )
2- انا اشتريت بوكسات التوزيعات وهن صغار بس للاسف ماعرف شو احط فيهم.. شي غير كاكاو او بسكوت فديتكم او ميني عطر ابا فكرة يديدة..
3- شو انواع المسابقات الي ممكن نسويها اذا عندكم افكار حلوة وادريبكم ما بتقصرون وياي
4- اذا عندكم قصايد للتخرج لا تبخلون علي فديتكم..

اعرف اني رمست وايد بس كله من فرحتي في اختي والله يفرحكم في اقرب الناس لكم ويجعل ايامكم كلها سعادة ان شاءالله..~

وفي انتظاركم فديتكم واردها لكم بالافراح ان شاء الله وشكراااااااااااااااااااااااااااااااا ..~