السلام عليكم …
اشحاالكم بطااااااات ..؟؟
اليوم بغيت اسالكم عن مستشفى ام القيوين الحكومي …؟؟
فكرت اني اسير اربي هناااك ..
اشرايكم في هالمستشفى وشوو هي مميزات هالمستشفى وشوو هي سلبيات هالمستشفى .. وكيف الخدمة عندهم ؟؟.. ومنوو من الدكاترة الممتازين عدهم ؟؟؟
لا تحرموني من ردودكم ..
ما اعرف انا من أم القيوين
بس حبيت ارفع لج الموضوع
قبل كان اوكي يعني من 3 – 4 سنوات بس الحينه مووول مب شي وخاصه مال ولاده كلهن يداد واحسهن مايعرفن شي 
انا الحينه حامل وايد افكر في الولاده مابا اربي ف ام قيوين من اللي اشوفه
احسن دكتوره ولاده هي هدى ووحده اسمها هبه مش بطاله
ربي يسهل عليج ويقومج بالسلاااااامه.gif "12 (63)")
ربي يسهل عليج
والله حبيبتي دائما يقولون أنتي وحضج استخيري وتوكلي علـّ? اللـّ?
رَبيّ يسهل علينا يارب ويثبت حملي اللين التاسع
مول مب شي . . .
و لو ارمس من اليوم لين باجر ما بخلص . . .
الدكتورات ماعندهن اسلوب ووقحات و شايفات حالهن . . .
و شغلهن ابدا مش اوكي . . بس يمكن شوي هبه و بريتا الهنديه فنانه . . .
انا اجهت بعيد عنج و تعبت وايد عندهم . . . و ماسوولي غسيل عقب الاجهاض و الحين تعبانه من هالشي . . .
نصيحه . . . خليه آخر خياراتج
امم انا ربيت فيها مرتين
الولادة الاولى بهدلوني والدكتورة ما رامت تولدني واتصلوا عالاستشارية :S
الثانية قررت اربي في دبي بس سبحان الله الله ما كتب بس هالمرة ولادتي كانت زينة بس ما نظفوني عدل وتعبت عقب الولادة
وبالنسبة للدكاترة احسنهن عزة وهدى والباقي انتي وحظج :S
واذا عيزوا على طول عملية ما عندهم طولة بال وبالنسبة للنظافة لا باس
واهتمام الممرضات لوعة جبد ساعة لين ترد عليج