السلام عليكم ورحمة الله وبركاته خواتي المتزوجات بغيت اطرح عليكم سؤال دائما اسأل نفسي وكل وحده تقول رايها
الوحده يوم تتزوج يسير زوجها كل شي في حياتها وشغلها الشاغل وتحبه محبه وتزيد وتترسخ المحبة في قلب الأثنين أكثر يوم الله يرزقهم بطفل وهني توزع الزوجة محبتها بين الأثنين واذا الله رزقهم ب2و3و4 عاد هني تستوي اهتمامها ومحبتها لأفراد اسرتها غير ابتداء من الزوج إاى آخر طفل بصراحة لاحظت نفسي أكون مقصر ة أو بخلت في محبتي لأحد أفراد اسرتي على حساب الثاني وأحس بضغط كبير كل مازادت المسؤولية أنا آسفة طولت عليكم بس حبيت أوضح الفكرة واسأل كيف تستطيع الزوجة توزع محبتها واهتمامها لأسرتها وهل تواجهين هذا النوع من المشكلة ؟؟؟
مشكوره الغلا ع الموضوع
بس بالنسبه لي أنا ما أفرق بين عيالي وأحبهم حب لا يوصف وأحبهم أكثر عن ريلي لأنهم قطعه مني
ولكن من الطبيعي يكون في فرق في المحبه بين الأبناء
وفي حديث عن الرسول عليه السلام يقول بما معناه (الصغير حتى يكبر والمريض حتى يشفى والمسافر
حتى يعود )
مشكورة ظبية الإمارات على المشاركة بس اللي ابا اقوله الفرق ولو قليل في المحبة بين الأبناء والزوج تخلق مشكلة صغيرة وما تلاحظينها إلا بعد فترة ممكن تكون في سلوك الأبناء أو الزوج تعبير عن احساسهم بأكثر من طريقة مختلفة مثل يكون الطفل عصبي يتكلم بصوت عالي او يعاند بتكرار التصرف وتكرار كلامج او تنبيهج له .
يمكن شوي تميز
خاصه اذا اليهل صعنون ترحمينه
ويوم يشوفه الاكبر بيسوي حركات تقهر علشان تنتبهين
على قولتهم (ااااااااااااااااااااانا موجود)
المشاركة الأصلية كتبت بواسطة ظبية الامارات 
بس بالنسبه لي أنا ما أفرق بين عيالي وأحبهم حب لا يوصف وأحبهم أكثر عن ريلي لأنهم قطعه مني
ولكن من الطبيعي يكون في فرق في المحبه بين الأبناء
وفي حديث عن الرسول عليه السلام يقول بما معناه (الصغير حتى يكبر والمريض حتى يشفى والمسافر
حتى يعود )
حبيبتي لا تقولي أحبهم أكثر لأنهم قطعة مني
زوجك كمان نصفك الثتني و قطعة من روحك مو من جسدك
و الله يديم الهناء و السعادة بينكما
بصراحه ودي اساعدج ختيه
بس بعدني ماعندي عيال ولين الحين حبي بس حد ريلي الله يخليلي اياه…
بس اتوقع اني ان شاءالله اذا الله رزقني بعيالــ ماظني بفرق بينهم كلهم بحبهم نفس الشي
والسموحه ختيه جان طولت عليج