ا خواتي من العنوان
شووو تجاربكن فيها
تنصحن فيها ولا لا ؟
وهل لها مخاطر………
ماعندي علم الغالية بس حبيت ارفعلك الموضوع
السلام عليكم
أنا جربتها وشي عجيب الصراحة
بالنسبة لي وبعد تجربتي المؤلمة جدا في الولادة في بنتي الأولى ..كنت أقولهم كأني وصلت القبر ورديت.. ولادتي الثانية كانت من بعد ما أخذت الإبرة حرفيا بلا ألم وفعلا بالنسبة لي كانت معجزة بكل معنى الكلمة والحمدلله ما عانيت من أي مشاكل بعدها ..
البعض يمدحها والاكثر يذمها
يمدحونها لانج ماتحسين باعراض التعب والجهد الي تبذلينه وقت الولاده وتحسين انها سهله يسيره
ومايعورج لاظهرج ولا بطنج ولاريولج ولا شي … تحسين ان مافيج شي بالمره
ويذمونها لان لها اعراض عقب الولاده "مب الكل بعض الحريم صار عندهم اعراض من الابره" …
ومايمدحونها للي اول مره تربي لانها ماتحس بشي فمابتعرف تسوي بوووش لانها ماتعرف شقايل "بعد مب الكل"
ويقولون الافضل انج ماتاخذينها عشان ربج سبحانه وتعالى يمحي عنج لذنوب بكل ويعه تتويعيينها من الم الولاده
ورايي الشخصي ماتاخذينها عشان اخر سبب ذكرته ^_^
ترا اخر شي بتنسين كل الويع سواء خذتي الابره او ماخذتيها …
ربي ايسر عليج ان شالله
أنا الي أعرفه وحده من أهل ريلي خذت هاي الابره وعقب ماربت…ماقامت تمشي عدل…الله يعافيها…تمشي الحين وهي تعري…
نصيحة لاتاخذينها…ترى هالويع بيرووح مابيدووووم…
انا خذتها فعيالي الثلاثة لاني خوافة من الالم وانصح فيها بقوة
أنا يربتها في ويلكير ومن عطوني الابره ماحسيت بشي مول لين مايطلع ولدي وحتى ألم الخياطه ماحسيتبه مول وطلعت من غرفة الولاده وأنا ما أحسن بأي ألم أو تعب.. عطوني إياها يوم فتح الرحم 5 سانتي
بس عقب عانيت من صداع قوي مايخوز حتى لو كلت بنادول وألم في الظهر… بس هالشي ماكان يومي والحين الحمدلله ولدي كمل سنه و7 شهور ومافيني إلا العافيه
وإن شاء الله في حملي هذا باخذ الابره… دام شي وسايل للراحه وتخفيف الألم ليش مانستخدمها؟؟ وماظن الأجر بيزيد ولابينقص إذا الوحده خذت الابره ولا ماخذتها!!!
والناس ماخذين فكره غلط عن الابره!! تراها هي نفس الابره اللي يعطونها حق اللي تربي قيصري وخالتي مربي 5 مرات قيصري وفي كل ولاده يعطونها ابره الظهر والحمدلله مافيها إلا العافيه
هي بس شرات ماخبرتج سببتلي صداع وألم في الظهر تقريبا مدة شهر أو شهر وشوي وعقب الحمدلله ما اشتكيت من شي
ولادتي كانت في ويلكير واللي عطتني الابره دكتوره هنديه (دكتورة تخدير) وكان شي ريال بس أنا رفضت وتوكلت على الله لأني مابغيت اتكشف على ريال لو شو مايكون وضعي والدكتوره كانت ايدها خفيفه وماحسيت بشي مول
والله يسر ع الجميع