السلام عليكم و رحمة الله و بركاته
شحالكم عساكم بخيير
بغيت اسأل اذا شي حد أو تعرفون حد
عنده ترسبات في المرارة أو حصوات في المرارة
شو الأعراض؟ و عادي أأخر العملية ولا ظروري أسويها حتى اذا العوار ما إيني إلا كل كم شهر؟..
ويعطيكم العافية
ربي ايعافيج من كل شر…
للرفع..
اختي عندها حصى في المرارة وسوت عمليه وشلتهن بس وايد كانت تتعب منها وايها الالم من فترة لأخرى
وهي أجلت العملية كم مره عقب سوتها
الله يشفيج ويشفي المسلمين و المسلمات
كله ولا صحتج اختي ..اسالي دكتور ولا تعتدمين على تجارب البنات
والله يسهل امورج ان شاء الله
ينقل للقسم المناسب,,,
مو كل الحالات تتشابه
انا مثلا سويت عملية المرارة رغم انها ماكانت تاذيني بس خفت لا انها تنفجر واضطر اني اعمل عملية بدل المنظار
فاخترت اني اتخلص منها بدل ما تعمل لي مشكلة
علما اني اصلا ماكنت اعرف ان المرارة مملوءة بالحصى الا عن طريق الصدفة
سئلت الطبيب قال انها ماتفيدني لانها مليانة
في حالات تسبب لهم الالم الشديد وفي مثل حالتي الم بسيط يكاد لا يذكر
انا سويتها. كنت اعاني من الم خصوصا اول ما اصحى الصبح
كشفت و طلعت في حصوات. و المرارة ملتهبة. هو شهرين كانت الالام ترد علي.
قالي الدكتور العملية لو اجلتيها الحين. بيي يوم ما بتتحملين الالم. و بتدخلين طوارئ و عفسة
توكلت على الله و سويتها. ثاني يوم العصر رخصوني المستشفى. اسبوعين نقاهة بالبيت. و بعدها تريحين اسبوعين بحيث ما تشلين شي ثجيل. و تأجلين الرياضة.
يعني كلها ٣ اسابيع و انتي و الخير رباعة. الله يعافيج و يعافي مرضى المسلمين