السلام عليكم ورحمة الله وبركاته خواتي
الصراحه كتبت هالموضوع بغيت نصايحكم وكلامكم اللي يرشدني وينبهني للصح
ولدي فديته ربي يحفظه عمره شهرين ونص تقريبا ..
احبه واموت فيه وابي له الاحسن من ناحية التربية والاهتمام والنظافه وكل شي وادعي ربي ان يعيني على تربيته احسن تربيه لانه امانه فرقبتي ..
بس خواتي انا من ربيت الولد 24 ساعه وياي ولما اقول بكل ثانيه هو عندي مارتاح من ربيت صابني اكتئاب ..
ماقابلت نفسي ولا ريلي ولا شي قليل جدا اطلع او اروح مكان اشوف الدنيا ولا اخذ لي مستلزمات واغراض والله اني ساعات بالعافيه احصل وقت اسبح وصلاتي (اكثر شي زعلانه عليها هي الصلاه ) صارت متاخره وساعات والله تفوتني 
..
الحريم يوم يطلعون من الاربعين يتعدلون للريايلهم وانا حتى ريلي مقصره فيه والله ماسويت اي شي ولا كاني بكريه ..
بتقولون لي طيب ليش محد من الاهل ايوده عنج بقولكم محد في خير (استغفر الله العظيم على هالكلمه ) كلهم يبونه يوم يضحك ويلعب مال 5 دقايق محد يبى يمسكه ويغير له ويرضعه لين حتى ادخل اسبح او حتى اروح مكان ارفه عن نفسي شوي امي متوفيه وانا ساكنه بيت اهل ريلي وعمتي حليلها اداوم وساعات ماتقصر بس حتى انا استحي اثقل عليها تيي من الدوام تعبانه ..
وضعي ملخبط يادوب الوقت اللي يرقد فيه ولدي انا يكون مهدود حيلي وارقد وياه …
حتى قاعده افكر ادخله حضانه او اوديه لجليسة اطفال بس كم ساعه فاليوم ارتاح شوي واقابل نفسي 
اسوي رياضه اروح صالون حتى لو ارجع البيت ارقد لي شوي اي شي المهم اسوي شي لنفسي افرغ التوتر والضغط اللي فيني عسب اقدر اكمل واهتم بولدي زين ..
وماعرف مكان او احد هني فالفجيره يكون ثقه ويقبل الرضع وفنفس الوقت متردده وخايفه وايد
مب عارفه شسوي خواتي انصحوني ..
نفس ما لطفلي علي حق نفسي بعد علي حق، ولزوجي علي حق ..
زوجي صابر وساكت ويحاول يساعدني لما ينزل يومين فالاسبوع بس لين متى ؟
يوم انا مب طايقه عمري على هالحال …ساعات والله العظيم تيني حاله نفسية من التعب ولدي يصيح من صوب وانا اصيح بحرقة من الصوب الثاني كانه شي كاتم على قلبي تعبانه 
سامحوني عالاطاله والله اني مب عارفه شسوي عل وعسى تفيدوني ويزادكم الله خير
حبيبتي اول شي مبروك
ثاني شي ها طبيعي ما عندج حد يساعدج
بس اتخيلي انج فالغربة شو بتسوين؟
الاجانب الي ما عندهم اهل او الاستقلاليين شو يسوون ؟
انتي نظمي وقتج انا كنت اخذ بنتي وياي الجيم عادي فالعربانة وانا اسوي رياضة
كنت اسير الصالون واسوي شعري وبنتي وياي بس كنت اسير اخر شي عشان ما تختنق من الاستشوار
كنت اسبح يوم هي ترقد
كنت احطها صوبي يوم اصلي وهي صوبي راقدة او تشوفني
المسالة مسالة تنظيم وقت مب اكثر والله يهدي الحال و يصلح امورج
وعليكم السلام ورحمة الله
ياقلبي … حبيبتي الحالة اللي انتي فيها طبيعية .. وكلنا مرينا فيها
هذا اول طفل لك .. واكيد بياخذ كل وقتك .. لاتقولي ماعندي حد يمسكه ..عادي حبيبتي غيرك واايد نفس الحالة .. ولاتفكري بحضانة او جليسة اطفال ابدا .. بس يبيلك تحاولي ترتبي امورك .. المفروض في هالعمر الطفل ينام واايد .. حاولي تنامي وقت ماينام .. وبالنهار وقت ماينام التفتي لنفسك .. وسوي اللي تبيه .. وبعده صغير .. انتظري شو الى 4 شهور وتقدرين ان شاء الله تطلعي واياه بالعربية .. شوي شوي راح يتعدل الوضع .. لا تصغطي على نفسك بالتفكير .. افتحي له قران بصوت واطي .. استمتعي بوقتك معاه وغنيله 
راح يهدا وينام
والله يوفقك .. ويحفظه لج
الله يعينج
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
اهلين بنت الفجيرة
مبروك ع الذريه والله يجعله من الصالحين البارين
سبحان الله كانج ترمسين عني بس اختلاف الشخصيات المهم ما عليج فترة وبتعدي
اهم شي الحين الياهل عادي خليه يصيح شوي اتوضي وصلي بيبكي شوي وبيسكت هو عدالج لا تحاتين الا هي دقايق لا تعوديه انج من يبكي تشليه لو انه صغير بس ما شاء الله عليهم يفهون نقطة ضعف الام
سالفة نومه بعده صغير يباله كم شهر حتى يعتدل رقاده بس اهم شي رضعيه ودسعيه وغيري له البامبرز وبيرقد ان شاء الله لو بكى شوي عادي لا تحاتين خليه دقايق وبيرد يرقد بروحه اذا مغص او مريض وايد بيبكي بتعرفين انه فيه شي بس لا تحاتين ركزي على رضاعته اذا يرضع ويبلل حفاظه معناته يشبع وللمغص عندج دوا اسمه انفاكول وايد بيساعدج قبل الرضاعه بربع ساعه عطيه نص مل
بالنسبة لنفسج ما عليه شوي شوي بتعرفين كيف ترتبين امورج واذا ترضعين طبيعي ما بتحتاجين جم جسمج بيرد شرات قبل الا بعض المناطق واذا تبين تسوين تمرينات سوي تمرين البطن وانتي في البيت واذا عندكم حوش امشي حطي ولدج في العربانه واتمشي عادي جيه بيتعود ع العربانه وحتى اذا سرتي مكان ما بتتعبين وايد.. سالفة الاكتئاب عادي فيه ناس اشد شراتي والحمد الله فترة وعدت انتي بس حاولي تشغلين سورة البقرة بالتلفون او بالمسجل على الاقل كل يوم بالليل بتهدا النفس وبيرتاح ولدج ولا تنسين ترقينه مرتين في اليوم الصبح والمغرب.. ما دام ريلج متفهم ويساعدج اتحملي شوي لما بيكبر ولدج بترتاحين بيلعب بالنهار و بيطول في رقاده.. حاولي الوقت اللي انتي فاضيه تقرين اكثر عن كيف تدارين الياهل وتلاعبينه..سبحان الله الايام تمر بسرعه وبتستغربين.. ان شاء الله لما بيبدي يمشي بيراكض بالنهار وبينام بالليل
الله يعينا على تربيتهم
حبيبتي
هذا وضع طبيعي
و حد يسميه اكتئاب الاربعين
فتره و تعدي
باللنسبه للحضانه ما انصح بعده صغير
و الوقت حاولي قدما تقدرين اترتبين جدولج
لوكنتي تتسبحين قبل نص ساعه …خليها عشردقايق
و نفس الشي للامور الثانيه
على فكره …
فتره بسيطه ان شاء الله وبتحسين ولدج بدا يتغير و يضحك لج
وبتكونين تعودتي على الامومه