أخواتي العزيزات
اتمنى من الله أن تكونن بأتم الخير و أكمله
أخواتي انا ام لطفلة في السابعة
طفلتي جميلة ذكية و مدلله
حاولت كثيراً تعوديها على تنظيف نفسها اكرمكم الله بعد الحمام
و لم تجدي محاولتي نفعاً
اليوم ومن دقائق فقط عصبت عليها
و ضربتها آلمني قلبي بشده لأني فعلاً بدأت
أمل منها لا أعلم هل هو دلع ام اتكاليه
و الى متى
اخواتي ارشدوني لحل اريد ان اعلمها تعلمون أن البنت جهازها التنسالي حساس
و اريدها ان تعتمد بطريقة اثق انها بالفعل صحيحه
ارشدوني فلقد مللت حقاً من الموضوع
هلا الغالية
بصراحة بنتج عمرها 7 سنين يعني روحها لازم تتغسل ومن حقج تزعلين ..
بس اخذيها بالحيلة يعني .. بعدة طرق .. مب بالضرب( اصص قموز لاترمسين عن الضرب) هههه
لا جد انا نفسج اضرب ولدي بس مب دوم مرات تحسين شي لا ارادي يطلع من الضرب..
بس عامليها باسلوب المكافآت و الجوايز وهالسوالف يمكن تتحمس وبتتعود تتغسل روحها ..
لان غلط للحين انتي تغسلينها …
حالوت بكللللللللللل الوسائل تشجيع تحفيز جوائز
تهديد ضررب كل ما نفع انا بجد يآئسه
بجد تعبت :/
والله يعينج…
بس لو مثلا بنتي كانت جي….
بجرب وياها هالطريقة:
بعد كل حمام اذا ماغسلت نفسهاااا
بعاملها كانها وصخة وما بتقرب منهااا
ولا بلعبهاااا حتى ما بلمسهااا….
وذا غسلت نفسهااا.. بحضنها ببوسها .. وبمدحها وبمدح نظافتهاا
يمكن بهاي الطريقة تتشجع وتتغسل بعد كل حمام …. *
٧ سنين كبيرة ماشاء الله عليها يعني المفروض متعودة من زمان تعتمد ع عمرها فالنظافة..
جربي وياها كل الطرق ابدائي وياها باللين وشجعيها ووعديها لو التزمت لها هدية معينة هي تختارها..
لو ما فاد كوني صارمة وحازمة..
حبيتي كلميها ن هالشيقوليله البنتتحب النظافة والله يحب جذا
وهاتي لها كلينكس اطفال وااايد حلو حتى راح تتعود عليه صدقيني وبتحب هالشي ان شاء الله
قولي لها انه هالشي يسوي امراض الله يبعده عنها
غناتي انا بصراحه اشوف عمر 7 سنين بعدها صغيره يعني عقب العمليه الصغيره معقول تغسل عمرها بس اذا سوت العوده ما اعتقد بتقدر انا بناتي اعلمهن بعد الثمان سنين ونص وبعد أتم أشرف عليهن لين يكملن تسع سنين عشان أتأكد من نظافتهن ومع الوقت بتتعود يعني كل شي يباله ممارسه لاتتوقعين انها تتعلم من اسبوع واثنين …طولي بالج عليها وبالعكس انا اعتبرج أحسن أم لانج ماشاء الله عليج تبارك الرحمن مب غافله عن هاي التفاصيل الصغيره …
في حريم اتكاليات على الخدامات ولايعرفن شي عن عيالهن …انتي بس طولي بالج عليها ولا تبينين لها انج منهزمه جدامها والا عيزانه وياها خلي دايما موقفج قوي وياها وخففي شويه سالفة الضرب لنهن في هذا العمر كرمج الله تستعيلن… وتبغي تطلع بسرعه من الحمام عشان تكمل لعبها بس مع الممارسه والضغط المستمر منج والمتابعه الدايمه بتحسب لج ألف حساب …يعني من تشوفينها دخلت الحمام اوقفي عند باب الحمام وهي ما تدري ومن تطلع قوليلها تعالي بشيك عليج وشيكي عليها ونازعيها اذا شفتيها مب متغسله زين وردي دخليها الحمام مره ثانيه ولا تغسلينها وأشدد على كلمة لا تغسلينها خليها بروحها تتغسل جدامج مره ومرتين لين تنظف …بتتعبين في البدايه لكنها بتحسب لج ألف حساب لو ما اتغسلت زين بتعرف انج يالسه تتريينها عند باب الحمام وبتغثينها وبتأخرينها زياده عن اللعب …وبجذه بتتعلم بس السالفه من خبرتي مع بناتي بتطول ويبالها طولة بال وصبر لين تعرف كيف تتغسل زين…
والله يخليلج اياها ان شاء الله ويصبرج على تربيتها …