ألف الحمد والشكر لك ياربً (باركوليً ربيتً)

بغيت اخبركنً أني ربيتً بتاريخ 11/11
ويبت ولد الحمداللهً

بس احس ولادة الولد أصعب من البنت حسيت بالفرق لان فبناتي كان اييينيً ألويعً كل خمس دقايقً اما فولديً هاذاً كان ألويعً على فترات متباعدهً يمكن كل ربع ساعه
يأني ألويعً الصبح الساعهً 8 الألم اييينيً وربع ساعه يخف لحد الساعهً 1 ماتوقعتً ولاده لان طول شهري كان اييينيً الم بس من شفت الألم زاد وماخف لحد 1 بعد الظهر اتصلت لريلي وقلت له اطلع من دوامك كنت مكلمتنهً الصبح وقلت له فيني الم يسير ويرجع خل فونك وياكً يمكن اليوم أربي وبشوفً يمكن اتصل فيك بعدين قالي اذا تبين اتسيرًين المستشفى عادي بظهر من الدوام بس قلت له لا اصبر شوي مابسيرً من وقت وعقب يت بنتي من الروضهً وكنت اكتبها واجباتها وياني ألم شديد وسويتً له تيلفونً وياني وسرت المستشفى وشافوً النفس 6س وبعد نص ساعه سوووًليً مغذي وشوي زاد الألم وبالذات ظهري بغيت اموووووت ًمنه اول مره ظهري فولادتيً يكون بها الألم الفظيع الله لايراويكن وعقب قصت الكيس وشوي زاد ظهري عليّْ وردت قاست النفس وانا ماشي منهارهً ومب عارفه شو اسوي بغيت أربي واخلص وبنفس الوقت متروعه وعقب قالو ازفريً وكنت ازفرً بسرعه عشان يظهر راسه وهنيهً الغلط (قريت معلومه قبل لا أربي اللي تزفرً بسرعه راس الجنين يسبب إلها جرح بالمنطقة وانا سويت هالغلطهً وسبب لي جرح وسووً لي خياطهً والمفروض اللي تييبً الثالث مايسوون إلها خياطهً)
والحمد الله على كل حال ربيتً وخلصت المعاناهً والمعاناهً الثانيهً وقت يطلعون المشيمه والمعاناهً الثالثة وقت الخياطهً وااااي كم بنتحملً ….

وعقب ماظهرتً من المستشفى بيومين ثالث يوم يتنيً حمى وحسيت جسمي طايحهً فوقه شاحنه متكسر تكسر وأول مره اتييينيً حمى بعد ما أربي ومثل ما يقولون اللي تخلف يعني اللي كان عندها بنات وعقب يابت ولد والعكس صحيح اتييهاً آلااامً غير طبيعيه

وهاي قصتي ….

وعسى الله يسهل عليكن ويرزقكنً الذريهً الصالحهً المعافاهً
ويرزقً كل محرومه ياربً فها الايام الطيبهً
ومبروووكً عليكن ألرحمه وعساها أمطار خير علينا وعليكم ياربً ….