خواتي العزيزات كيف الحال 
الكل بخير وفي اتم الصحه والعافيه،،،
خواتي ابغي مشورتكن ،،، أانا ابغي اخذ سياره وحاطه في بالغي سيارة تويوتا ( FJ ) لانها وايد عايبتني بس بغيت اسال إللي عندها هالسياره او عند حد من قرايبها شو رايكم بالسياره هل يمدحونها او في اي مشاكل،، وشو عن صرف البترول وشو عن بريكاتها الشخص اللي يسوقها مرتاح وإلا لا،، لاني بصراحه وايد عايبتني رغم انه اللي حولها يقولون لي انها مب حلوه لكني وايد عايبتني فأبغي مساعدتكم يابنات فيدوني يزاكم الله خير أخذها وإلا لا،،
ربي يوفقكم يارب ويوفق اللي بتساعدني 
حلوة السيارة
حبوبه إذا عايبتنج انتي توكلي على الله وخذيها ..
أنا بعد خاطري أشتريها ومن مده واحد ويانا في الدوام خذاها وحط عليها زوايد بروحه .. عجيبه السياره من برع ومن داخل ..
صلي استخاره وجوفي .. وبس 
المشاركة الأصلية كتبت بواسطة ام رشوودي 
حتى انا اقول انها حلوه تسلمين يا ام رشوودي على المرور والله يحلي ايامج الغاليه
هالسيــاره ،، رجــاليه شبــابيه ،، أكثــر عما اتــكون نســائيه !!!
وله شــورأيج !!؟؟؟
انا اايد كلام الاخت اللي قبلي
انها ريجالية اكثر عن نسائية…
االصراحة الغالية السيارة حلوة ..
ومنتشرة وايد في البلاد …
ويقولون عليها طلب وايد …
بس بصراحة … هاه مجرد رأيي الشخصي … احسها شبابية أكثر ..
بس هالايام وايد بنات ياخدونها …
سيري الوكالة شوفيها واحكمي بنفسج احسن … يعطونج تجربينها بعد …
والسيارات اليابانية ما عليها كلام الصراحة ..
وربي يسهل عليج ان شاء الله …