السلام عليكم…
شخباركن يا حلوات ؟؟ان شاءالله مرتاحات
طلبتكن وان شاءالله تفهموني وتساعدني بنصايحكن اللي عندها خبره كلكن ما عليكن قصور الله يوفقكن يارب
وانا عندي مشكله و مادري انا مكبره السالفه ومخلتنها مشكله ماعرف
المهم ابا اقول اللي في خاطري وارتاح..من هالهم اللي على راسي
وماعرف كيف ابدأ….دموووعي تنزل وانا اكتب…ابا اعرف شو استوى فيييييني
الله يسلمكن..انا عروس وبعد شهر وشوي عرسي يعني ابدن ما بقا عليه شي
ومادري اذا كل العرايس نفسي؟؟؟
انا مستويه اعصب بسررررررررعه بشكل ما تتصورون انا صح طبعي عصبيه بس بهدوء مب نفس الحين
لكن هالفتره حتى ع اختي الصغيره اللي عمرها سنه ازاااااعج عليها حتى الحين تخاف تقرب صوبي فديتها
والبشكاره ما سلمت مني حليلها
ويمكن ع اشياء تافه اعصب واحرق اعصابي
وافكار تيبني وافكار توديني
ودووم اصييييييح ومستويه خواااااااافه وااااااايد
ومن غرفتي ما اطلع ماحب ايلس عند حد واسولف ويا حد هالفتره
والكل يقووووول اني متغيرررررره واااااااايد وهالشي يضايقني والله
وحتى ريلي دوووم ازعل منه ويزعل مني ونتم اسبوع ما نكلم بعض واااااااااايد اتضااايج والله….
ماعرف ليش هوه مايفهم كيف حالي الحين ويزعل بسرعه مني
وادمنت ع شي اسمه سهر واشرب كبتشينو وهالمنبهات…مب بس لين الفير..الا ليييييين الضحى
وبعدين يكون رقادي الا كم ساعه وشوي..ومتقطع
وقسم بالله انه يمر يوم كااااامل مايطيح حلجي شي من الاكل…غير هالمنبهااااات والله والجاي وشراب بس
لدرجه عيووني تعبت وااايد..وطلع سواد تحتها…اانا بشرتي ابيضانيه ويبييييين واايد انه المنطقه غامجه
وبعد مشكله ثانيه…الدوره الشهريه عندي مختررررررربه ومب منتظمه اول مره يستوي فيني جي
قبل دووم كل شهر اتيني ومرات تغير موعدها تجدم وتأخر كم من يوم عن اليوم اللي اعرف انها بتيني
هالشهر يتني بس منقطعه…يعني اول الشهر يومين عقب وقفت عقب نص الشهر يومين وجي
مادري انا خااايفه ووايد افكر واوسوس…
دخيلكن ساعدني بنصايحكن…
والاهم من هذا كله,,,,,,ابا اعرف كيف اخلي ريلي يفهمني اكثر واقربه مني
وشو اسوي عسب ما يزعل. مابقا عالعرس شي……..دخيلكن والله انا احبه وما اباه يزعل
نصحني…..
صح نسيت اقولكن بعد…انا عنيده وريلي بعد عنيد…ونعاند بعض واااااااااايد
وهالطبع ابا اووووورده …وابا ريلي بعد يودره
كيييييييييف.؟؟؟
سمحلي طولت علييييييكم
والله لكن دعوة خالصه من للس تساعدني وتريح قلبي ولو بكلمه صغيره
قولي لا اله الا الله الغالية الي تمريبه هذا شي عادي كلنا مرينا فيه العصبية والوسواس هذا شي طبيعي لانه انتي داخله حياة يديدة وما تعرفين شو بتسوين…وبعدين حبوبة ودري عنج العند ترى ما ينفع لازم تكبرين راسج وطويلين بالج قومي حبوبة واتوضي وصليلج ركعتين وصلي واقري قران بتلقين كل الهموم ودرتج لانيه سبحان الله الوضوء يطفي نار الغضب…..والله يهنيج ويفرج همج ويرزقج بالذرية الصالحة
أول شي استهدي بالله يا حبيبتي ولا تفكرين وايد بأنه عندج مشكله لا حلّ لها ….
مشكلتج عادية جداً …. وتمرّ فيها 80% من المقبلات على الزواج
فكري بأن هالشي عادي … بس يبالج تتحكمين فيه اكثر
عندج شهر وشوي عن العرس
حطي لعمرج جدول …وحطي في بالج انج تبين تكونين مستعدة ليوم عرسج
تبين تكونين في احسن صورة ….. و ما تبين تكونين ذاوية وضعيفة و حالتج لله
اول شي ودري عنج سوالف الكوفي والكبتشيونو آخر الليل
وعوضيها بكوب حليب فرش ….. لا ترقدين في النهار عشان ترقدين من وقت بالليل
ضيفي نسبة الفواكة والخضروات بكمية اكثر شوي في جدولج الصحي
اشربي ماي وايد وايد
انتي شكلج المنبهات هي اللي تخرب مزاجج مع كثرة التفكير والتوتر
وعلى نظامج الحالي يخليج تنشين من الرقاد بمزاج سئ … وهالشي يؤدي إلى يا انج تحتشرين على اهلج
تتزاعلين ويا ريلج …. تصارخين… تنعزليين
انتي حاولي هالاسبوع تعدلين من رقادج واكلج ….وبتشوفين عمرج تهدين شوي شوي …..
وعقب رمسي ريلج وقولي له ان قلةّ النوم سببت لج توتر في الفتره اللي طافت و خلت هالمشاكل تطلع
وانج ما كنتي تقصدين تزعلينه في يوم من الايام ومستحي تزعلينه ….
وقولي له بعد انتي محتاجتنه يوقف وياج خاصه في هالفتره اليايه =)…وبتشوفينه بينسى كل اللي صار
وعن سالفة العناد ..:1 (40): ..عادي حبيبتي بتمشون الوضع
اذا هو عاند … مشيه له الوضع ….سوي اللي يباه ولا تعاندينه على شي ما يرزي
تعلمي انج تضحين على شانه …وهو بيضحي اكيد على شانج
بس هالمسئله يبالها وقت لين ما تتعودون عليها
اسمحيلي لو طولت عليج ….وزواج سعيد مقدم عروستنا
والله ايسر امورج ويشرح لج قلبج و يهديء بالج
=)
خويتج: ياورد
مرحباا الغالية
الله يفرحج حبوبة ويفج عنج كل مكروه
" الغالياااااات ما قصرن "
أنا ما عندي غير إني أنصحج بالرقية الشرعية وأذكار الصباح والمساء ..
والقرآن …………………………………
ما في شي أحلى وأريح وأشفى من القرآن .. حبيبتي
و الله يوفقج ويرزقج السعادة والهناء ..
و الحلم … ويعلهااااااااااااااااا الضحكه ما تفارق شفاااتج ^_________^ 
حبيبتي اهم شي تودرين السهر ..وبعد شهر ان شاء الله بتعرسين..ولازم صحتج تكون زيييييييينه
ونصيحه ودري شي اسمه العناد..والله بتتعبين واااااايد يوم بتتعاملين ويا ريلج..أسأل مجرب ^__*
وفكري في اهلج ..لا ضاربينهم خليهم ياخذون فكره حلوه عنج ..قبل لاتروحين عنهم خخخخخخخخخخخخخ^________^
والدوره الشهريه هذا شي طبيعي تتلخبط عندج..لانج وااايد تفكرين ..ولا تاكلين..ورقاد ماترقدين ..خبرين كيف تبين صحتج تكون زينه..لاتفكرين وااايد ولاتخافين..قومي وصلي فليل ودعي ربج يسعدج في حياتج ويرزقج الذريه الصالحه
وريلج خبره عن حالتج ..علشان يفهمج..وعلشان مايقول شفيها هاي نكده
والله يوفقج في حياتج
هلا حبوبه
الله يفرج همج ان شا الله
بس ما قلتيلي كيف صلاتج و كيف الاذكار معاج و كيف قراتج للقرأن عموما كيف انتي مع الدين ؟؟؟
و عقب بعرف ارد عليج ع حسب طبعج
اذا بغيتي
و الله ولي التوفيق
حبيبتي
أولا مبروك عليك وبالتوفيق
وثانيا هاي حاله طبيعيه اللي تمرين فيها بس حاولي تقنعين نفسك باليلسه ويا أهلج واااايد خاصه في هالفتره هم محتاجينك ويحسون انهم بيفقدونك وانتي بعد بتطلعين عنهم وبتندمين انك مايلستي وياهم
وبخصوص العناد
لا تعاندين ريلج ودايما كوني له الحمل الوديع الودود والمطيع وشوفي كيف عقب هو بينجلب حاله وبيستويلج مطيع وطلباتج اوامر
والعناد مب زين بين الزوجين لانه ايدمر البيوت وخاصه انتوا بعدكم وإذا بنيتوا حياتكم على هالشي ما بتستمر و واااااااااااااااايد بتتعبين
اتمنى لج التوفيق والحياه الزوجيه السعيده