خواتي عندي سؤال بخصوص ثبات الارواج حق المناسبات و الاعراس …
الصراحه سوينا كل شي و ما فاد … و حبيت اعرف شو الماركه اللي ارواجها ثابته و ما تخوز بسرعه مع الاكل …. و اتم فتره اطول بس ما تنشف الشفايف و تطلع جنها متشققه ـ
اعتقد فهمتوا كلامي صح !!!!
انا جربت احط بودره و شفايفي تطلع ناشفهـ وايد و جربت احط فاونديشن و بعد ماشي فايده
كل التجارب جربتها و بعد يخوووز !
و ممكن تخبرونا بتجاربكم و خبراتكم …. مع الارواج و ثباتها :
و ياليت الماكيرات العزيزات ما يطنشون مواضيعنا .. ياليت تفيدونا بخبراتكم ..
و مافيه شي الحينه اسمه سر المهنهـ … الانترنت يغنينا عن كل شي … و السموحه منكم … اللي يحب يفيد جزاه الله خيـــر و نكون شاكرين لهـ …
1. أرواج بن ناي ..
2. أرواج كريولان …
باليت ارواج من ماركة ( جريماس )
انا عندي منه حلو و مب حلو .. يعني عادي بس مب ثابت مثل ما يمدحونهـ ..؟؟
والله ما اعرف
ان شاء الله البنات يفيدونج
أنــا شراتج !
كنت أحط الفاونديشن بس ماشي فايده 
الحين اوني غيرت قمت احط آي شدوو قبل الروج >> يعني أحسن لوول
ان شاءلله البنات بيفيدونـــا ^^
المشاركة الأصلية كتبت بواسطة عيون قصيد 
ان شاء الله البنات يفيدونج
تسلمين يالغلا
المشاركة الأصلية كتبت بواسطة Bяѕτϵϳe Dɑl3 كنت أحط الفاونديشن بس ماشي فايده
الحين اوني غيرت قمت احط آي شدوو قبل الروج >> يعني أحسن لوول
ان شاءلله البنات بيفيدونـــا ^^
هلا حبيبتي و الله كلنا محتاجين هالشي ,,,
و انا جربت مثلج و احط محدد الروج و و املي شفايفي و اوكي بعد احسن من اول بس بعد احسه ينشف الشفايف بالرغم اني اهتم بترطيبها دايما ….
انا استخدم بي ناي…حلوه تثبت اذا حاطه كريم اساس وبعدين مرطب شفايف و بودره شوي مع روج ثم بودره و ارجع احدد الروج و الجلوس اخر شي يكون ثابت ….
بس في الاخير بيتشقق مدري ليش
المشاركة الأصلية كتبت بواسطة ام غريبه بس في الاخير بيتشقق مدري ليش
تسلمين يالغلا ع الرد
و انا اوقات اسوي طريقتج و فعلا يصير حفاف و تشقق بالرغم انه شفايفي و الحمد لله ما فيها شي …..
و ان شاء الله عندها الحل تفيدنا
ماشي روج يتم ثابت فترة طويلة ..غير االاارواج الي مذكور فيها انها ثابتة .. على حد علمي
النصيحة الي اقدر افيدج بها / خلي معاج الروج بالحفل او المناسبة وكل ما اختفى اللون ارجعي حطي الروج 