السلام عليكم و رحمة الله و بركاته
خواتي شخباركم أتمنى تساعدوني بافكاركم و خبرتكم
الحمد الله خلص بيتنا و الحين قاعدة اشتري الاغراض
بس انا موول ما عندي خبرة في المطبخ
شو الاغراض اللي لازم اشتريها من ثلاجة و فرن و و غيره
وين أحسن مكان و أفضل أسعار
ساعدوني ابا اعرف كل اللي يخص المطبخ من الألف إلى الياء
بعد نسيت أقولكم سوالف الصحون و الجدور….الخ
أترياكم خواتي
وينكم يا سيدات الإماارت
ولا وحدة ردت علي
للأسف بعد محد رد علي
هلا
شوفي ماعرف المحلات بالامارات
بس عشان تشتري
تكتب بورقه اللي ناقصك
تروحي تلفي في السوق
خذي قلم وورقه شوفي اللي يعجبك
سجلي اسمه وكتبي سعره وافتري المحلات وقارني الاسعار
واللي سعره رخيص خذي منه
الشرا يبي له صبر لا تتتسرعي ابد
كل شئ على مهل عشان تجيبي شئ تبيه وبسعر حلو
براد
فريزر
صحون صغيرة ووسط وكبيرة (أحجام)
أكواب للجاي الحليب والجاي الأحمر أو الأخضر أو الأعشاب
مغارف(خواشيق) صغيرة ووسط وكبيرة
فنايين للقهوة
سكاكين وشوك بعد أحجام
غواري
دلال
جدور أحجام
ملاليس بأنواعها المختلفة
مشاخل أحجام
طوس بلاستيكيات أو ستيل أحجام
غنجات بلاستيكيات أحجام
حرارات بعد أحجام
فرن إذا تبين عادي مع البوتوغاز العادي ولا كهربائي بروحه
غلاية الماي(البويلر)
التوستر
قطاعة البيتزا
قطاعات للفطاير بأحجام واشكال متنوعة
وايد يحبون العجانة
جياك حق العصاير
الخلاط الزجاجي
فرامة اللحم
الفود بروسيسر
طحانة القهوة والمكسرات
آلة عصير البرتقال الكهربائية
هذا اللي يحضرني
zezenya ألف شكر لك
أم ترفة مشكورة الغالية و ما قصرتي
بس بغيت أسالج شو يعني الفود بروسيسر
طحانة القهوة والمكسرات كيف شكلها
و مرة ثانية ألف شكر لج