خواتي بغيت منكن مساعدة
بما أني معلمة و أشتغل في مدرسة
فعندنا نظام في المدرسة كل وحدة تجيب فطور في يوم في الاسبوع
وطبعا أنا لي يوم اجيب الفطور
صرت بالليل اسوي لنا مرات معكرونة و مرات فول وخبز هندي
ومرات حمص
ومرات اسوي بسبوسة وشاي حليب
أبي منكن أفكار جديدة للفطور في الصباح وأقدر أسويه بالليل
عشان ما أقوم من الصبح و اسويه
للمعلومة انا مو كثير شاطرة في المعجنات
فاللي عندها وصفة تعملها في البيت
تكتبها لي عشان أقدر اعمل زيها
و اتمنى تساعدوني بأفكاركم
ممكن اسوي فريد
ممكن اسوي الكشري
مكرونه لازانيه
مسقه مع الخبز
الفته
ممكن اختي اتجهزي كل شي من بلليل والصبح سخنيه وحطيه على بعضه ما عدا المكرونه الازانيه ما تبغي الا تسخين
وبالهنا والعافيه
المشاركة الأصلية كتبت بواسطة الأمل والحب 
ممكن اسوي الكشري
مكرونه لازانيه
مسقه مع الخبز
الفته
ممكن اختي اتجهزي كل شي من بلليل والصبح سخنيه وحطيه على بعضه ما عدا المكرونه الازانيه ما تبغي الا تسخين
وبالهنا والعافيه
بحاول اسوي مثل ما قلتي و بنوع في الاكل
ربي يعطيكي العافية
هلا عزيزتي ممكن تسولهن سندويتشات فوووول او بيض وطماط ، ممكن تروحين كارفور وتشترين تشكيلة أجبان من اللي بالكيلو وتشكيلة لبنة وكم نوع زيتون وترتبينه من الليل بديكورات طماطم ونعناع وخيار بس الصبح قطعيه وزيت زيتون وزعتر وتشكيلة خبز وتوست ابيض واسمر ودلة شاي بالميرميه وبيكون خفيف ولذيذ ممكن بعد اتلفين سمبوسة جبن ابيض ونعناع من الليل وتقلينهم الصبح مع سندويتشات خضار جهزيهم من الليل مكعبات بطاطا وباذنجان وشوية بقدونس و امسح الخبز بلبنه واضع الخضار واعملهم ساندويشات واتمنى يكون ذوقي عجبج
أختي جيكي قسم المعجنات في المنتدى فيه واااااايد شغلات
المشاركة الأصلية كتبت بواسطة فوزان ان شاء الله أطبق كلامج
واروح كارفور على اخر الاسبوع و اشتري منه
وبسوي مثل ما قلتي و بنوع في الاكل شوي
ربي يعطيكي العافية
المشاركة الأصلية كتبت بواسطة tef شكرا اختي على الرد
بصراحة مو كثير شاطرة في المعجنات لانها ما تضبط معي
بحاول و ان شاء الله خير
ربي يعطيكي العافية