شحالكم خواتي ورمضان مبـارك عليكم ان شاء الله
خواتي أنا من قبل كلمتكم بخصوص انه الوالده أترد كل الي يتقدمولي وعاد اليوم بكلمكم ف موضوع
إنه الحمدالله الوالده رضت 
.
خواتي ولاكن هالمرحله اليديده ف حياتي وايد متخوفه منها
أنا أتربيت ف عائلة ولله الحمد بسيطه والحمدالله ألبس وكل إلي اباه احصله ويمكن أحسن من إلي عندهم خير ولاكن بحد المعقول مش مبالغ فيه
ولاكن إلي متقدم لي من برع مدينتي و ماشاء الله،، الله ناعم عليهم وعائلة غنيه ( تجار )ماركات وسفرات
أنا حليلي مب جي صح آاخذ ماكرات بس مب لكل شئ ، يعني يخواتي احس مابتوافق معاهم 
لاني ما حب اني ابالغ ف هالاشياء
ألحينه ياخواتي انا متردده أحس هم وايد ماشاء الله يبالغون ف هالسوالف وانا لا على قد حالي
بشو تنصحوني هل اتوكل على الله ولا اتريا انه رب العالمين يرزقني بواحد على قد حاله
يعني من نفس مستوانا الاجتماعي..
الله يتمم لج ع خير
استخيري
واسالوا عن الريال واهله وايد
شوفي دام انهم خطبوج وهم يدرون عن مستواج فهالشي عادي والا كانوا بيشووفن وحدة من مستواهم الاجتماعي
ومب صعب تندميجن معاهم
مب لازم تسوين شراتهم
حليج ع قناعاتج الا اذا ريلج يبغيج تكونين في مستوى اهله ومب اقل عنهم
او تقنعين ريلج بطريقتج في الحياة
والله يوفقج
اسالي عن الريال واستخيري واذا ارتحتيله توكلي عالله
مبرووك مقدما
و
عقبالي
انشدو عن الريال
واذا عن سالفة المستوى ترى انتي صبرتي وربي فتحها عليج
على نياتكم ترزقون
واذا بتفكرين بالطبقة كلنا شرات بعض
بس هاكله يعتمد عليج
مثلا يوم بيبلج شي لاتبينين انج مب شايفة خير او انه وايد
قولي انا استاهل هاكله ولاتستخسرين
اوتوماتيكيا بيتبرمج فدماغهم انج دلوعه متعوودة عهاكله
بس اذا بديتيها بتقليل من نفسج كلهم بيحكمون عليج بطريقوة حكمج لنفسج
انتي تستاهلين وربي يوفقج
وعن الدلع والماركات والسفر
بنات المنتدى بيعلمونج ماي فير ليدي خخ
يعني خذي كورس هني وربي يسهلج حياتج اليديدة
اسألو عن الريال
لو زين اتوكلي على الله
والله يجدم لج الخير
ويكون من نصيبج يارب
اسالي عن الريال واستخيري واذا ارتحتيله توكلي عالله
مبرووك مقدما
والغلا أنا عكسج الحمدالله أهلي واااايد الحمدالله عندنا خير … وصبرت صبر لين ما صار عمري 27 ياني واحد وايد أقل عن مستوانا .. لكن أنا ولله الحمد وماشاء الله ولا حول ولا قوة إلا بالله أسعد وحدة في خواتي ويمكن أهلي كلهم الحمدالله
الغاليه اهم شي الريال وسمعته مو من ناحية ماديه لأ ، أخلاقه ودينه
انتي بسيطه ماشاء الله عليج وشكلج عاقلة
بعدين التفاهم يحل كل شي ،، انتي وريلج وقتها تتصروفن بالشي اللي تحبونه
بعدين هو يمكن يبا وحده بسيطه مثل ماقلتي مايبا يعور راسه بوحده مالت هالسوالف
وصدقيني هالامور تعتبر بسيطه بس يبالها عقل وتفكير وتنحل
واستخيري الله طبعا
وشوفي شو احساسج يقول
ولاتنسين
عسى ان تكرهو شيئا وهو خير لكم
الله يوفقج يااارب
خذي وقتج وتأني