السلام عليكم ورحمة الله وبركاته
عندي ولدي عمره أحين ثلاث سنين الحمدلله ، و ريلي و أهل ريلي كلهم ينغزون إن يلا ولدنا كمل 3 سنين نبا نشوف غيره >> منافسات عندهم
من غير ان أخت ريلي إحملت و الكل الحين حاط عينه علي .. قمت أشك إن فيني شي
رحت العيادة راجعت قالت لي الدكتورة بس اهتمي بصحتج لآن يباله بس تخفيف 6 كيلو و الحمدلله ضعفت
حاولنا أنا وريلي كا مرة علشان الحمل لكن الحمدلله على كل حال مافي شي للحين
تعبت من الأدوية و الحبوب إلي كلها هرمونات ، بديت أصير نفسية و مزاجية واااااااايد من بديت أستعمل الحبوب ، ودرت الأدوية قبل فترة و مابا أرد لهن
إلي تعرف شي طبيعي للحمل تفيدنا فيه ، لآن صج نفسيتي تعبت من الأدوية و حراق اليوف !!!
اختصري طريقج وسوي طفال انابيب ولا تعلمي حد بس انتي وريلج
ماعليج من حد وخلهم ينغزون لين يشبعون.. لا تمين تاخذين حبوب ومادري شوه عشان خاطرهم.. عيشي حياتج طبيعيه ومتى ما الله كتبلج الحمل بتحملين.. يمكن الله ما يباج تحملين يمكن لا سمح الله فيه ضرر او شي تريي والصبر زين والله بيرزقج ولا تاخذين ادويه عشان خاطر اللي ينغزونج لانج لو حملتي وربيتي بيتمون ينغزون ويبون الثالث والرابع بعد.. عشان جيه استغفري ربج وادعي والله بيرزقج
اختي الله يرزقج يارب من واسع فضله وكرمه
بس لاتسوين انابيب لأن انتي حملتي من قبل بس يبالج دكتورة ثقه وشاطرة
اذا انتي من دبي انصحج بدكتورة نوال العباسي ممتاااازة واااااايد بأمور العلاج
حملت مرتين بفضل الله وعلى ايدها
اول مرة حملت بعد ماتعبت من كمن دكتوره ولافي فايده
واول مارحت لدكتورة نوال حملت من نفس الشهر علاج
وثاني مرة حملت معاها بس مب من اول مرة علاج ، لكن بالمحاولة الثانيه معاها حملت
يعني ماتطولين علاج معاها بإذن الله لأنها دكتورة واااايد شاطره وعن تجربة
وربي يفرح قلوبكم ان شاء الله عن قريب
ونصيحة اكثري من الاستغفار
وبعد المفروض ريلج يفحص لأن مع مرور السنوات ساعات الريال تضعف عنده الحيوانات المنوية يمكن محتاج فيتامينات ولا شيء
تصدقي حبيبتي
الله يرزقج فديتج لاتحطين الموضوع ف بالج والحريم ترا ما عندهن شغله غير ها متى بتحملين ومتى بتربين افحصي انتي وريلج وتطمنو انه كل شي بخيير والباقي خلوه ع رب العالمين
وقفي كل الحبوب والادويه دام الله رزقج بولدج طبيعي بيرزقج بغيره بأذن الله الحبوب ما اتيب الا النفسيه والاعصاب والامراض
موفقه ❤