باسألكم كل وحده منكم تقول لنا شو عاداتكم في بدايه الطلق.
عشان نستفيد.
ثانكس تحياتي.
الله يجعلها ساعة سهاله يا رب
اختي اول شيء تشربين ماي مخلوط و يا عسل و يستحسن يكون ماي زمزم و اذا حبيتي اقري فيه بعد زين
و يقولون الزعتر بعد يسهل وايد انا ما قدرت اشربه
و كلي تمر قد ما تقدرين و اشربي ماي زمزم لان التمر يعطيج طاقه اذا لاسمح الله طول طلقج
اما بالنسبه منو تاخذين وياج خذي ام قلب قوي عشان تقدر اتذكرج تدعين وقت الطلق مب اتم اتصيح وياج 
اما متى اتسيرين هذا يعتمد على ان المستشفى قريب او لا
اذا قريب لا تستعيلين اتسيرين الااااااا اذا نزل عندج دم مثل دم الدوره مب بني لازم اتسيرين على طول
و كل ما تيج الويعه اتدي ان الله يسهل ولادته و تربيته
و الله يسهل على كل حامل يا رب و يجعلها ساعة سهااااااله يرزقج الذرية الصاحيه (صحيا) و الصالحه
نسيت اقول ان الدرج وايد مهم يسرع الطلق و يفتح الرحم بسرعه اصعدي و انزلي قد ما تقدرين
و اذاكنتي في المستشفى انزلي بالمصعد و اصعدي بالدرج عشان الصعده اهم و وفري طاقت بالنزله بالمصعد
وي يمه ييييييييييييخووووووووف الله يييييييستر والله يخرع صدق
الله يسهل عا الجميييييع
بالنسبه لي ماكنت اقدر اكل تمر لانه الحرقه كانت ذابحتني
بس كنت اشرب حليب حار ويا زنجبيل او حليب حار ويا قرفه
وكنت امشي واااااااااااااايد واااااااااااااااااااااايد…
ويوم حسيت بالطلق ما خبرت غير ريلي وتميت امشي بالفريج ويوم يزيد علي الويع اوقف وبعدين ارد امشي مره ثانيه
وتميت على هالحال لين حسيت اني خلاااااص اتلوى من الالم ومب قادره استحمل اكثر …يعني قمت اصيح من العوار
خليت اخويه يوعي الوالده وسرت المستشفى وهناك قالتلي الدكتوره خلاص حالة ولاده…وصلت المستشفى الساعه 3 الفير وربيت الساعه 7 والحمدلله على كل حال
والله ماحيد اني كلت شي !!
قمت الصبح وياني الطلق .. تسبحت على السريع وقلت حق ريلي يوصلني المستشفى لان الالم كان متواصل (كنت خايفه ماعرف بعدني اني امطوله خخخ اتحسب من يا الطلق ربيت ) ..
وعقب كلمت امي وخبرتها ويتني المستشفى
ماكنت ابغي اخبر حد بس ما شاء الله عليهم الحريم ! الخبر انتشر بسرعه البرق! وكل شوي امي اتقولي فلانه يت واتسلم عليج عاد انا فاضيه
عصبت وقلت ليش ايون !! بعدني ماربيت يعني هم بيوقفون بره والبيبي بيطلع عشانهم !!
هههههههه
شششو رايكن بالحليب مع الجرفه هل هووه زييين ..؟؟