سلام عليكم حبوبات ,
بغيت اشاركم فرحتي بقدوم خلودي في هدي الايام المباركة و احكي لكم قصة ولادتي
بعد معاناتة طويلة مع الوحام لي ما خاز عني طيلة فترة الحمل لوعة و زواع مدة تسع شهور طاف الموعد المحدد و نميت احسب الساعات و الدقايق كنت ابا الفكة بس, رحت لموعد مراجعة الساعة 8 الصبح بدون رقاد تميت مواصلة انا و ريلي اونه بنروح من وقت نرد و عقب نرقد سوو لي صورة قالو لي الماي وايد ناقص لازم تربي اليوم 
طبعا الصدمة قالو بنسوي لج طلق صناعي شيكت الدكتورة قالت فاتح 2 سم طلعوني و يوم شيكت وااااااااااايد تعورت تم جسمي يتراقل و بدت عندي انقباضات سوولي تخطيط لقلب البيبي قالو لي انتي فيج طلق ما نقدر نسوي لج طلق صناعي لازم نتريا 
و انا اقول لا ابا تحميلة ما طاعو المهم انا طلعت فوق على الساعة 11 و تمت الانقباضات نفس الام الدورة على اكتر شوية لكن ما قدرت ارقد خليت ريلي يروح يرقد ف البيت و تمت عمتي و حميتي وياي ابا ارقد ماشي رقاد من الالم لكن مب طلق ولادة يا ريلي و تفطرو و الساعة 8 بدا الالم الصدقي ابا امشي ما اقدر اقوم اقعد انسدح ماشي وضعية تخفف الالم و عيوني تتسكر من التعب طلبت ابرة الظهر قالو ماشي دكتور تخدير بليل و كله اصيح و اقاوم لكن ماشي فايدة الم وايد قوي ما تخيلته شدي ابدا يت الدكتورة شيكت قالت لي فاتح 3 سم انصدمت طبعا اكتر و قلت اني ما بخلص ابدااااااااااااااا و طبعا منتهية من التعب على الساعة وحدة تبطل الماي نزل وايد ماي مع دم لان الدكتورة كانت بتبطله لكن الحمد لله تبطل بروحه و شيكت الدكتورة قالت فاتح 7 خلاص بتربي و انا اقولها ابا روح الحمام 
حسيت نفس احساس اني ابا حمام الله يكرمكم اقولها ابا حمام بتقو لي لا مب حمام ترا البيبي يدز يبا ينزل و انا الا اقولها ابا الحمام من كتر ما طفرت بها قالت لي خلاص سويها مب مشكلة 
و احس شي صدق يدز على تحت و تميت شدي لين 2 و 37 بعدها طلع خلود فديته بس سبحان الله يوم طلع ما صدقت تميت اتحمد و اقول مستحيل مستحيل خخخخخخ و اتشكر للدكتورة و السيستر .
الحمد لله الولادة مب سهلة لكن اول ما تشوفين البيبي تحسي ان كل همومج انزاحت و كل مشاكلتج تحلت الله يسهلها عليكم و الله لا يحرم اي منتظرة من هدا الاحساس
الف الف مبرووووك ختيه
و الحمدلله على السلامه
ومبروووووك عليكم الريااااال
و يتربا في عزكم انشاءالله
الف مبروك حبيبتي وعقباليً وعقبال كل الصامدات والحوامل يا رب
الحمدلله على سلامتج ومبروك ما ياج
ذكرتيني بقصه ولادتي
مبرووووك حبيبتي على ما ياج 
ربي يحفظه لكم
الف مبروك الله يحفظه
الحمد لله على سلامتج ويتربى في عزج ان شاء الله