السلام عليكن
عندي ولد الحين عمره 3 و7شهور ودخلته روضة اولى قبل سنه لانه مولود نهاية 9 وداوم المدرسة قبل مايكمل الثلاث السنين بأيام المشكلة مش فالتعليم الحمدالله احس وايد يلقط ويكتب اوكى
المشكلة هي….
انه من كم شهر تقريبا زادت على الفصل الثاني انه يسوي كاكا في ملابسه المدرسية ولا يروح الحمام وفي البيت يروح الحمام وقت الكاكا او البول(الله يعزكم)
بس ليش المدرسة غير…
وهالفترة وايد زودها يعني خلال اسبوع يسوي 3 ايام كاكا ويومين يمر بسلام
والمعلمة قالت اذا تم حاله جيه انا برسبه…(مااعرف ليش)
وقلت له اذا ماخيست لبسك بشتري لك هدية والحمدالله كم يوم عدى على خير بس رد يسوي مرة ثانية والهدايا يودهن فقلت له ماشيء هدية اذا سويت كاكا بس حسيت ان الامر عادي عنده
وامس عصبت عليه يوم رجع من المدرسة طلع الريال سواها …فرحت ضربته بعصا وهاي اول مرة اضربة بقو.. وقلت اذا سويتها باجر ياويلك….
وانشالله خير اليوم
مااعرف في حل ثاني وياه….
اذا مانفع اسلوب التحفيز ..يمدحون الضرب بس مب المبرح طبعا
ضرب يوجع اشوي عشان يتأدب
وعطيه نصايح انه يقول للابله انه بروح الحمام ومايستحي وكلمي ابلته بعد خل تساعدج
تسأله بين فترة وفترة اذا يبغي يروح الحمام
يمكن ولدج يستحي منها !
هلا اختي
قلت حق ابلة خليه يروح الحمام قالت انا اطلب منه يروح الحمام ومايطيع واذا راح الحمام بس يتوقف داخل الحمام ويوم يطلع من الحمام يتريا شوي وبعدين يسويها في ملابسه (دخول الحمام من خروجه)
مااعرف شو اسوي وياه
شكرا على المرور
انا انصحج اداومين معاه هالاسبوع وشوفي الوضع كيف
هلا خواتي ومشكورات على مروركن
الحمدالله اليوم مر على خير واستقبلته بالاحضان وعطيته هدية وبعدين قالي لي : ماما انا باجر مابسوي شيء ……(شكل العصا سوت مفعولها)
وباجر الله يعين…
حرام عليج لا تضربينه
حاولي معاه بالزين قبل
والله انا بعد عانيت وايد لما علمت ولدي الثاني على الحمام
بس الحمد لله نجحت بجدارة بتعليمه
ووايد اكبر منه ما تعلمو للحين
مرت اخوي علمت ولدها متأخر
انا ما أحب اعلم عيالي مأخر،يوم شفت الولد يفهم علمته وحفزته وشريت له الحلاوة وكل شئ والحمد لله
واحد فديته بالkg1
وطبعا الحين بيخلصون بداية شهر 5
والثاني بدخله روضة خاصة مع عيال ربيعتي الاثنين<< علشان يتعلم شوي شوي لين يدش الkg1
معا انه فديته يتعلم من تعليمي لآخوه