السلام عليكم ورحمة الله وبركاته
اخواتي الشهر اللي مضى كان عندي تكيس بس الدكتوره صرفتلي كلوميد وجلوكوفاج
وبصراحه انا وااايد متفائله اني احمل فشهر رمضان ..
بس صارلي اربع ايام وانا فيني لوعه مادري بس تييني فالليل وعقب الفطور
و البارحه الخميس ياني مثل الم الدوره مرتين ثلاث مع انه الدوره موعدها باجر السبت
وبعد حاسه اسفل ظهري يعورني لدرجة اني ما اقدر انام على ظهري مع صداااااع …!
وبعد وانتو بكرامه اسير للحمام كل ساعه اوكل نص ساعه .. وبطني صااير منتفخ وثجييل وفيه الم
فالمبايض ونغزاات كثييره ..!!!
واذا طلعت فالدرج احس اني اتعب وااايد كأني سويت مجهود ..
انا ماريد احط فبالي اني حامل عسب ما انصدم
بس اللي ابا اعرفه فيه وحده منكم صارلها جيه وطلعت حامل ..!
لني ماريد اتعذب واسير المستشفى وعقب انصدم ماشي حمل ..!!
افيدوني للي عندهم تجارب
وشكرا
مايحتاي اتسيرين المستشفى وتعذبين نفسج ..
سيري الصيدليه وخذي التيست مال الحمل واذا حامل ع طول بيبن ..
ان شاء الله حامل …واذا مب حامل لا تضايجين بعمرج……هذي أرزاق يختي والله يرزقج قريبا..
ان شاء االله تبشرينا…
تسلمون خواتي عالمرور
انتظر الافاده من باقي الاخواتي
الله يرزقج يا رب
ان شاء الله حامل
وان شاء الله تكونين حامل
وتدعيلنا بالزوج الصالح