السلام عليكم والرحمهـ يا بناتـ
واللهـ ماعرف شو اقولكم,,,
واللهـ اني احبكم من كل اعمااااااااااااااااااااق قلبي …
تسدني دعواتكم اللي من قلبكم الطاهر ,, ونصايحكم اللي الحمدللهـ نفعتني ,,
علمتوني ان الواحد مايوكل امرهـ الا على اللهـ ,,
وان اللهـ خير الرازقين ,,,,
اللي قرا مشكلتي الاولى ,,,
ابشركن الحمدللهـ في رمضان تراضيت ويا الوالدهـ ( اللهـ يطول ف عمرها ويحفظها لي),,
سبحان اللهـ ,,
كنتـ ااجل هالموضوع وكل يوم اقول باجر ,, لاني كنتـ يالسهـ ف بيتـ حد من هليهـ ,,,
بس كانتـ تعبانهـ وسرت زرتها والحمدللهـ المشكلهـ انحلتـ ,,
قلتلها كل اللي فخاطريهـ وليش انا زعلتـ وتركتـ البيتـ ,,,
فهمتها لما يكون عندها اي تعليق علي ,, ترمسني انا صاحبهـ الشأن مبـ فلان ولا علان ..
والحمدللهـ تفهمتـ الموضوع والامور طيبهـ …
والحمدللهـ بعد ما استقلتـ من دوامي ,,, والظلم اللي انظلمتهـ اهناكـ ,, لاترقيهـ ولا اي شي ,,,
ربي رزقني ب وظيفهـ احسن منها بمليون مرهـ ,,,
سبحان اللهـ كل اللي اباهـ لقيتهـ .. ( الحمدللهـ لك ياربـ )
كنتـ فاقدهـ الامل واللهـ ,, حسيتـ دنيتي مالها معنى ,,
مشاكلي مع الوالدهـ ,,, لا اهل مثل الناس ولا عندي وظيفهـ وكلن في صوبـ ,,,
حتى كتبتـ موضوعي الثاني في لحظهـ ضعف,,,,
بس الحمدللهـ لك ياربـ..
بس تمتـ مشكلهـ وحدهـ بس ,,
كلااااام الناس اللي مايخلص ولا يرحم …
وياليتـ ناس غربـ ,,, واللهـ انهم هلي من شحمي ولحمي ,,
واللهـ اني كرهتم وعفتهم,,, مااتمنى اشوفهم ,,, ولا اعرف عنهم شي ولا يعرفون عني شي ,,
ناس قلبهم كلهـ حقد وكرهـ ,,,,مايتمنون الخير ل غيرهم ابد ,,,,
تخيلو وحدهـ من هليهـ تطردني من بيتهم ليش ؟
واللهـ العظيم وربي شاهد علي اني احافظ على صلواتي والحمدللهـ الكل يمدح هالشي فيني ويتمنون لو عيالهم شراتي ,,,
تقولي انا ماباج ف بيتي لانج تخربين بناتي ماتخلينهن يصلن !!!!!!!
وربي هي توعيهن من الرقاد تقولهن سيرن صلن ,, شوفو مهايهـ محد يقولها سيري صلي من نفسها تصلي صلاتها وهن طاف!!!
يعني الحقد والكرهـ يخلي الواحد يبتلي على غيرهـ !!!
بناتـ واللهـ ماعرف شو اقولكم ,, بس انا اقولكم شو اللي اشوفهـ واحسهـ
انا انسانهـ عاديهـ جدا… جمالي عادي وكل شي فيني عادي ,,,
يعني لا شينهـ وحلوهـ زيادهـ عن اللزوم,, لكن احس اني دوووم محط الانظار ,,
يعني البناتـ يغارن مني بسرعهـ لدرجهـ انهن يكرهني !!!
تعليقاتـ على لبسي مكياجي اكسسواراتي نعولي ,,,
بيقولون هالشي حلو بس من ورا الخاطر ,,
انا احبـ اكون مميزهـ بأسلوبي وبطريقتي ,, بس بطريقهـ غير مبالغ فيها ,,
لو عندي شي بسيط وعادي ,,, اغيرهـ واحولهـ ل شي مميز خاص فيني..
اكبر مثال يوم العيد…
فصصوني من فوق ل تحتـ ,,,, الكل يعلق ,, مع انهـ الكل كاشخ والكل عبيهم حلوهـ ولبسهم وكل شي ..
اتعبـ نفسيا ,,,
ناس ماهمهم غير المظاهر والرسمياتـ وهالخرابيط .
غير الاحساس النفسي اللي يحسسوني اياهـ ,,,
انا قبيلتي غير عنهم ( اطري هل الوالدهـ )
فيحسسوني اني غريبهـ من بينهم,,,, انتي ***** يقصدون قبيلتي مالج شغل فينا نحن ال ***** قبيلتهم !!
كرهتـ لماتهم واجتماعاتهم وحفلاتهم واعراسهم وعزاهم وكل شي ,,
في السنهـ حسنهـ يشوفوني ,,,
لدرجهـ يوم توظفتـ ,,, محد منهم قاللي مبروكـ ,,,
بس يسألون كم راتبج ووين تشتغلين ,,, ولاتلعبين بفلوسج ولا ولا ولا ولأ !
ماشي اللهـ يوفقج ويسهل امورج !!
اللهـ يرحمك، يالوالد ,, قلتها لي قبل لاترحل عنا ,, محد راح ينفعني غيركـ,,
بس بعد الواحد يتعلم …
بناتـ وكلوا امركـ للهـ وان شاء اللهـ اموركم بتتيسر .
عليكم بالدعاء والاستغفار وقراءهـ القرآن,,,
اهم مشاكلي الحمدللهـ انحلتـ ..
والباقي امور مع الايام انا بحلها بطريقتي ,, لأن خلاص طفح الكيل ..
احترمتهم بما فيهـ الكفايهـ لكن هييل مايستاهلون الحشيمهـ والتقدير ..
اتمنى من كل وحدهـ تدخل موضوعي تدعيلي دعوهـ من خاطرها..
وياربـ كل وحدهـ تدعيلي من خاطرها يوفقها في امورها ويسهل دربها ويحقق كل مبتغاها واللي ف بالها ..
اللهـ يحفظكن خواتي ^^
اختكن مهايهـ ^_^
بالتوفيق يااارب ..
والله يصلح الامور من بينكم ان شاءالله …
وتوكلي ع الله ف كل شي ..
الله يوفقج ويسعدج ،،،،
الحمدلله على كل حال ،،،
لاتسوين لهم سالفه ولاتضيجين بعمرج عشان ناس ما يستاهلون
——————————————————————————–
بالتوفيق يااارب ..
والله يصلح الامور من بينكم ان شاءالله …
وتوكلي ع الله ف كل شي ..
