شو موقفج لو عرفتي فجأة من شخص إنه أبوج مب أبوج أصلا؟

تقول لي ربيعتي إنه أبوها بعد ما توفى ، لاحظت إنه وحده من أهلها بأيان العزى وايد تهتم فيها

بس اهي قالت عادي شي طبيعي أبوي متوفي واهي زعلانه علينا ،،

المهم العلاقة مع هالبنت قوت أكثر وأكثر وصارت قوية ادق لها كل يوم يسولفون مع العلم انه هاي اللي من أهلها أنا اعرفها شخصيا وأكلمها واهي فعلا طيبة وصادقة وبينا عشرة عمر وما تعرف اتجامل اللي ما تحبه تقوله واللي ما ترتاح له يبين عليها

المهم

فيوم من الأيام دقت لها وهم يسولفون قالت لها بسألج سؤال وأمانه عليج ما تقولين لحد أبد أبد أبد حلفتج بالله ،، إنتي منو أبوج؟؟؟؟؟؟؟؟؟

البنت قالت ابوي توفى الله يرحمه المهم دارت الأسئلة وجي بينهم فالبنت قالت لربيعتي انه وحده من اهلهم هم الاثنين حلفت لها يمين انه ابوها واحد غير وانها اول ما انولدت كانت عايشة معاهم عقب خذوها وبس ما قالت لها اكثر وأكدت لها الكلام

الصراحة ربيعتي تقول طنشت وما اهتميت بالرغم من ثقتها باللي قال لها هالرمسة وتقول انا اعرفها هاي اللي بقلبها علسانها وما تكتم شي المهم

المشكلة مب انها قالولها هالكلام

المشكلة انه ربيعتي كانت تتذكر احداث وايد يوم صغيرة بس ما توصل لإجابة مجرد ذكريات مقطعه ومو مكتملة

الحين شو تشورون علي اقول لها اطنش ولا لا
ولا ترجع تسأل ربيعتها

ششي غريب صح ما أعتقد انه اللي قال لها يبون يسوون لها شر لانه من اقرب الناس لهم ويحبونهم من زمان والوحيدين لي وقفوا ويارهم وترا هاي ربيعتي من اهي بس من بعيد تقرب لأمي