.
السلام عليكم و الرحمه
اشحالكم ؟! شخباركم ؟!
.
.
بصراحه انا اكتب لكم و ابا النصيحه !
و بقول لكم السالفه من البداية !
.
.
يتني وحده اعرفها في الكليه من اسبوعين و تقولي انها يايه تكلمني عن عمها
قلت لها عمج كيف يعرفني ؟! قالت لي ان عمها مره كان ياي ياخذها عند الكليه وهي كانت متأخره عليه
و شافني و عيبته و سألها عني هي ما عرفتني قالت في وايد بنات غاويات و حلوات في اليوم الثاني هم كانوا يتريوني اظهر من الكليه في السياره و شافتني و عرفتني و انا و هالبنيه ما بينا الا السلام عليكم و مع السلامه وبس !
و عقب ما سالت عني بين ربيعاتها و بين اللي اعرفهم و الكل مدحني و الحين عمها يبا يخطبني ! هي لما خبرتني انا قفط و استحيت ماعرفت شو ارد عليها قلت لها بسأل الاهل !! و عطتني اسمه ..ألخ
و بعد ما خبرت هلي بالسالفه و سألوا عنه طلع الريال وايد زين و مستواهم الاجتماعي نفس مستوايه يعني بيعيشني شرات ما انا عايشه و احسن بس المشكله لما عرفت ان عمره 38 حسيت انه كبير عليه .
يعني انا عمري 20 و شهر عشره بدخل 21 سنه
الحين اسألكم خوياتي هل هالريال كبير وايد عليه !!
لان الفرق اللي بينا 18 سنه !!
انا لما شفت صورته شكله ما يبين عود بالعكس شاب و كاشخ بس المشكله انا احاتي في المستقبل
هو كم سنه و بيدخل الـ 40 و انا بعدنا في العشرين و بينا سنوات تختلف من ناحية التفكير .
و المصيبه ظهرت ام الريال من معارف يدتي اللي تعزهم وهي تشوفهم ناس ماعليهم كلام و محترمين و تحن عليه اني اوافق .
بس خواني يقولون ان الريال كبير عليه و الشور شوري جان بوافق ولا برفض .
لكن انا محتاره !!
ابا اوافق لان هو ريال الكل يشهد له انه زين و محترم و على مستوايه و حليو و مثقف و عنده ماجستير في إدارة اعمال و هو رجل اعمال ..ألخ و الأهم انه هو اختارني و قال " اباها " و بدل ما أهل يختاروني و يقولون فلانه زينه يعني هو شافني و قال " ابا " <— حبني لوول
و ابا ارفض لان هو كبير عليه وايد وبينا 18 سنه يمكن اييي يوم هو ما يحب طريقة تفكيري
انا بالنسبه له ياهل بالسن و خويه العود الله يرحمه لو مب متوفي كان في نفسه سنه و خويه عنده بنت قدي و الفرق بيني وبينها سنه يعني تخيلوا لو هو كان معرس كان عنده عيال قدي ..
فمادري !! شو رايكم
اوافق ولالا !! لاني محتاره !! و هم يتصلون يبون الرد
وانا اقول افكر و خايفه و متردده !!
و بصراحه انا صليت الاستخاره و ظهرت الاستخاره زينه و ارتحت فيها بس خايفه من فرق السن
يعني هو بيكبر و انا بعدني صغيره ..!!
خبروني شو اسوي !!
تمي صلي وصلي وااايد والامور بتتسير برووحها
وانتي اذا تحسين انج مرتاحه وافقي وتوكلي على الله عمره العمر ماكان سبب في اي خلاف بين الزوجين عاادي حبوبه الاساس هو التفاهم
والله ايسرلج ياارب
اتوكلي صح فرق السن وايد
دام ان حبج من اول نظرة
شفتي >> يعني طول هالفترة ماشاف احد مبين عليه ريال والنعم فيه
:
بالعكس انا اشجّـــع انه الوحـده تاخذ ريّـــال فـ حدود هالاعمار ،
بنظريــه أعقل وافهـم خلاص عارف الدّنيــــــا ومش لعّااااب = ) . .
وشرى ماقالت لي قبلي ترى فارق السّن عمره ماكان سبب للمشاكل الزّوجيـه . .
شوفي بنظره تفائليّـــه . .
وأهم شي الاستخاااااااره ورآآحـة البال = )
والله يوفقـــــــــــج
= )
أنا اشوف الريال مايعيبه الكبر
ودامه زين وارتحتي يوم استخرتي
توكلي على الله
ربي يسهل لج ويوفقج =)
ow yakteb lich elee feeh el 5air
daymaaan gooli ya rab itha hal ensaan feeh 5air lee sahel ow gareb el mow’9ooo3 ow itha feeh shar lee eb3ed edb3edni 3anah
ow 9ali este5arah akthaar men marah ….