زيت الثوم للشعر . تسوينها بروحج فالبيت ^^

تذكرت هالزيت عندي..وقلت بحطه لكم.. اكيد في بنات يعرفونه ويستخدمونه.. بس بعد في بنات ما يعرفون له

للامانه هاي خلطة قبل سنتين خذتها من وحده فالنت وجربتها علي قبل
الحمدلله وايد نفعني الصراحه ^^

وحتى شي بنات فالجامعه خذوها عني
وربيعاتي ومن اهلي بعد

بس بخبرج شي عنه

انتي بتكونين وحده من الحالتين
1 / يا ان النتيجه بتظهر من اول اسبوع ..يعني اول استخدامين

او

2 / اول ما تستخدمينه بيطيح شعرج الميت وعقب بيوقف التساقط ويبدا ينمو لج شعر يديد بداله وتقوى البصيلات

طبعا بتحسين بلمعان في شعرج
يغلط
يطول
يكثف

هاللي صار لي وللبنات اللي خذوه عني ^^

وافضل تسوين لج جدول للعنايه الاسبوعيه للشعر علشان لا سمح الله لو استوى خشن لو شي…
انا شعري استوى خشن.. وبديت ادهنه تقريبا يوميا لو نص ساعه .. والحمدلله رد ناعم ع طبيعته

اغسليه مرتين او 3 بالشامبو
وهو مبلول دخنيه من الخاطر وحطي مخمرية
الريحه بتحسين فيها خفيفه دام شعرج مبلول بس اول ما يجف الشعر تختفي الريحه ^^
ها كله من تجربه ^^

ادري تفلسفت وايد بس قلت بخبرج من البدايه علشان لو تعرضتي لاني موقف منهم ما تخافين هههههه

تحتاجين غرشه زيت زيتون الكبيرة اي نوع عادي ^^

راس كامل ثوم مبشور.. مب مدقوق ..لا .. ابشرية باللي يبشرون فيه الجبن .راس كامل

فنجان قرنفل او مسمار مطحون

اخلطيهم في بعض وحطيهم في غرشه.. انا اخليهم في غرشة الزيت زيتون

خليه في المطبخ يومين
واليوم الثالث استخدميه
مرتين فالاسبوع
لمده مب اقل عن ساعه ولا اكثر عن ساعتين

معروف ان الثوم مفيد للشعر ……… والزيت زيتون بعد
والقرنفل علشان ريحه الثوم ما تكون مركزة
وبس ^^

اتمنى اني فدتكم بشي ^^
ودعوة حلوة منكم تكفيني ^^