رجعت غرفتي معززة مكرمة

طبعا عارفين مشكلتي مع ريلي …كنت رايحة عند أهلي بعثتله مسج وقلته أنا برجع غرفتي لأن خواتك سولي مشاكل مع الغرفة وأن صابرة عشان عيالي … وبعد ما رجعت حصلته نايم قعدت تحت عند أهله وقلتلهم سمعوني أن برجع الغرفة أو ولدكم يطلقني …وبعدين قالو لي لا ترجعين إذا رجعتي قال بيطلع من البيت وبايخذ بيت أجار وبعدين أنا قلت بروح وما علي من أحد وبعد ما قام وطلع من البيت أنا شليت كل أغراضي ورجعت بس شو تتوقعون ؟……. ما قال شي وخلانا في الغرفة وطلع لين الصبح ما نام كان يلعب بلستيشن مع أخوه في غرفة أخوه وبعدين الظهر يوم نزلنا تحت راح الغرفة ونام .
بس الحين الحمد لله أحسه احسن عن أول كان اول حتى المكان الي أنا فيه ما يجلس بس الحين الحمد لله يجلس ويسولف مع اهله وانا قلت لأهله خلوه يطلقني قالوا قال إذا طلقج تراه بياخذ العيال عنج أحسن تصبرين وتتحملين …..

واليوم أتصلت لأفتاء تعرفون شو ردو علي قالولي إذا تطلقتي ناويه تتزوجين قلتلهم هذا مستحيل قالوا نحن بتقولج نصيحة أنتي طنشيه ولا تفكرين فيه نهائي وفكري في عيالج وبس لأن الله بيعوضج في عيالج والحين هو سالك طريق خطأ وبدعائج بيرجع لصوابه مع الأيام وبيعرف أنتي الأنسانه الي صبرت عليه وبعدين أذن الظهر وقامت تدعي وقالت أدعي هذي ساعة إجابة وأن سكت بعدين

على فكرة كان يوم من الأيام متزاعلين وقال لي بتزوج عليج قلتله تزوج وبعدين تعرفون شو قال مستحيل وحده غيرج تصبر علي كثر ما أنتي صبرتي أنا نزل عارف نفسي هذي كانت ثاني سنه لي

صبري عليه ترى الصبر عباده..