خواتيـــه ساعدني بتقســـيم مهري

يعني هال 100 الف بس لزهبتج ؟

شوفي اختي انا بنصحج بشي…. لا تكثرين من الثياب
اول شي تبرعي بمبلغ بسيط لصالح الجمعيات الخيريه والله بيبارك لج في مهرج ان شاء الله

مخورات سوي لج مثلاً 10 لان هن اللي ينلبسن اكثر شي وسويهن شي منهن فخمات وعاديات

قمصان نوم : خذي 2 من الغاليات وبجامات عاديات وملابس داخليه اطقم وعاديات بحدود 4000
المكياج: نوعي شي بنات يبيعن شنط مكياج كامل للعرايس بحدود 1000 وبعد خذي ماركات ونوعي بحدود 2024 درهم
البدل: خذي لج 4 بدل راقيه بحدود 5000
العبي والشيل: فصلي طقمين فخمات على وكم طقم عادي ب 500
مكياج العرس والفستان: ما اعرف اذا بتفصلين فستان او بتأجرين
العطور: نوعي ما بين العطور العربيه والدخون والعود والعطورات الماركات,,, بالنسبه لعطور الماركات اعرف محل في ديره يبيع اصلي بس بسعر منخفض يعني اغلى عطر عنده ب 180 وجي لانه ياخذ التسترات اللي في المحلات الكبيره يعني مثلاً خذي ب 5000 عطور عربيه ودخون و عطور ماركات
نعول وشنط: خذي 3 اطقم للسهرات و كم حبه عاديات يعني نوعي اختي بحدود 4000

يعني اختي انا كل الاسعار اللي حطيتهم لج تقريبيه المجموع 25 الف و 500 درهم
بيبقن لج 74الف و500 خليهم احتياط للفستان و المخورات ومكياج العرس..

متابعه موضوعج

ختيه بعد مهرها اميه الف