السلام عليكم خواتي الغاليات
أبصراحه أنا عندي خبرة في الديكور أو استشارة بعد ممكن أفيدكم في الديكور أو تنسيق الألوان حسب أنفسيه والأستشارة في المجالس و غرف الجلوس و غرف النوم والله يعزكم ديكور الحمامات و زوايا المنزل أو الشقه واذا في اي أستفسار أنا موجوده من عيوني ياخواتي
لا تنسون ع الخاص حياااااااااااااااكم
الغالية انا عندي صالة كنباتها لونم اصفر وحابة ادخل عليهم الوان تناسب الاصفر (مخدات)
وشو ممكن يكون لون الجدار؟
والديكورات هل الاحمر يطلع حلو؟
ولون الزولية كيف راح يكون
تسلمين غناتي
حياتي انا غرفنتي صبغتها بنفسجي فاتح شو الألوان المناسبة لها
تسلمييييييييييييييييييييييييييييييييييييين
شكرا ع العرض ويزاج الله خير
انا بغير غرفتي واخوي وكلني اغير غرفه بعد للعرس ( عاد صارت المهمه صعبه)
غرفتي كبيرة وايد…..(37 قدم في 27 قدم) افكر اصبغ الجزء السفلي باللون الوردي الفاااتح ومن فوق ابيض سكري واحط الفاصل من بينهم احمر ماروني
شو الراي بالنسبة للالوان؟
غرفه اخويه…. يمكن اسويها شراتي بس بدال الوردي بحطله بيج ومن فوق ابيض سكري… والفاصل بني غامج
بتبقى غرفه بعدني ما فكرت جان بتشورين علي بالالوان بتسوين فيني خير
الشي الثاني…. الغرفه كبيرة…. افكر احط الشبريه صوب الستاير (بس ظهر الشبريه مب ع الستاير.. لا …. بتكون الكوميدينا عدال الستاير.. فاهمه علي؟) وبرفعها درجه عسب تكون مرتفع عن مستوى الغرفه وبحطها درابزين حديد شرات مال الدري… جذيه بكون فصلتها .. وجدام الدرابزين بحط كراسي ويلسه
اذا تبيني اطرشلج صور حاليا خبريني بتكون الصورة اوضح
شكرا
المشاركة الأصلية كتبت بواسطة هيااام 
وشو ممكن يكون لون الجدار؟
والديكورات هل الاحمر يطلع حلو؟
ولون الزولية كيف راح يكون
هلا حبيبتي ان شالله من عيوني بساعدج بس ياليت أطرشيلي ع الخاص صورة الكنبات ومقاس حجم الصالة واذا امركبه ستائر ولا لا وبنسبه ألون الأحمر ماانصحج فيه عشان بيكون وااااايد صارخ ويامرحبا فيج أختي