انا ولدت بسلامه ثاني يوم العيد والحمد الله يبت احلى بنوته ()

انا ولدت بسلامه ويبت احلى بنوته ((نور))

زهذي قصة ولادتي

اخر موعد ولاده لي 10_12 وراجعت الدكتور وقالي انتي تو الناس عليج مراح تولدين قبل العيد ولا بالعيد قلت واول يوم العيد مر بسلام وماكان في عوار ولا شي
الفير الساعه خمس الاربع تقريبا كنت بنام

ومره وحده حسيت بعوار ومقص فبطني عوار تم معاي نص دقيقه تقريبا وراح قلت
ورد العوار مره ثانيه بعد خمس دقايق وتم نص دقيقه وراح وبعد دقيقه

حسيت بنزول شي غريب علي والله من الخوف ولانه اول مره تميت ساكته وماتحركت ومستعربه وبعد ثواني حسيت بنزول ماي دافي وتميت افكر قلت خل اقول حق زوجي

قعدته شوي شوي وانا خايفه وقلت له قاعد ينزل علي ماي ريلي من الارتباك قام من الفراش يركض لبس ملابسه ويقولي يالله الطبيب

وانا لبست عبايتي بس وجسمي يرجف من الخوف والارتباك

وطلعنا خمس الفير من البيت على وقت الاذان والجو كان يخوف مطر فظييييييييع والدنيا ظلمه وبرد وانا بس فعبايه

وبسرعه على المستشفى وطول الطريج ادعي ربي واقرا سورة الزلزله لانها تسهل الولاده

وكنت احسب لنفسي مدة الطلق وكان كل خمس دقايق ومن يزيد العوار ريلي يزيد السرعه ويطوف الاشارات الحمره وانا ودي ابجي من الخوف من الطلق ومن السرعه

واتصلت بأمي اقول لها اني رايحه المستشفى كلمتها قالت روحي وانا يايه الحين

وصلنا المستشفى وعلى طول فحصني الدكتور وقالي اربعه سانتي

وصعدوني غرفة الولاده والله شعور حلو وبنفس الوقت يخوف حلو انه هشي بيصير الحين وبعد انتظار 9 اشهر ويخوف لانه ولاده وعوار وألم

صعدت غرفة الولاده وزوجي سوا اوراق الدخول ونص ساعه امي كانت عندي

ونظام المستشفى لازم اذا احد بيقعد معاي بغرفة الولاده ندفع 500 درهم وشخص واحد يقعد بس

امي دفعت وتمت اهيا تقعد عندي شوي وزوجي شوي

وطبعا حطولي الكمام المخدر وبدت اصايل تخربط بالكلام كنت اقول حق امي مااحب فراش المستشفى وامي تضحك علي تقولي خلاص المره اليايه ايبلج سرير من البيت

ومره اقول لها يمه احبج وايد ومره اقول لها انا بعد احب ابوي وايد

وبعدين اقول لها احبكم كلكم وايد وطبعا هذا كله خدرانه

دخل زوجي عندي اقوله انا احبك وايد واحب امك وايد واحب امي

وبعدها يت دكتوره فحصتني ىوطبعا خذت لها زفه مني اقول لزوجي خلها تطله بره ماابي هل دكتور من وين يبتو هل دكتوره لانها فحصتني وعورتني

وسمعتها تقول للسستر 8 سانتي

خلاص ولاده من قالت ولاده اشوف السسترات ركض والسسترات صارو وايد ومره وحده دخلو طاوله خظره وكله عليها مقصات وعدة الولاده

وبعدها غبت عن الوعي

بس حسيت كانه حلم امي كانت يمي تقرا علي طول الولاده لانها تمت معاي الولاده كلها وشافت كل الولاده فديتها

وكنت احس بدكتور واهوا يضقط على بطني عشان ينزل البيبي وحسيت بعدها واهوا يوريني البيبي

وخلااااااااص نمت بعدها

ماحسيت الا بام ريلي قاعده تبوسني وتتحمد لي بسلامه بطلت عيني اقول لها شنو شصار تقولي ولدتي بسلامه

اقول لها قول والله ولدت وارفع الفراش اشوف بطني واحط ايدي على بطني ادور قلت لها وين بنتي ابي اشوفها وتقولي قاعدين يغسلون لها ويلبسونها

والحمد الله رب العالمين على عطية الرحمان وكانت احلى احلى عيديه لي

وولادتي كانت بتاريخ 28 _11_

وان شاء الله من يكون عندي وقت بحط لكم صور جناحي الي اخذته بالمستشفى معى صور استقبالي بالمستشفى

المشاركة الأصلية كتبت بواسطة فصل الشتاء

مبرووووووووووووووووووووووووووووووووك حبيبتي..
وتتربى في عزكم ان شاءالله..

فديتج من يومين كنت افكر فيج واقول متى بتربى اصايل..

الله يبارك فيج حبيبتي

ولجت ثاني يوم العيد بس ماقدرت انزل الموضوع الا من يومين